Ինչի են արժանի Հայաստանի հպարտ քաղաքացիները
Սեւանի շուրջ մեկ պտույտ անելուց հետո, տեսնելով ասֆալտապատվող գյուղական ճանապարհները, նորոգվող մանկապարտեզները, գիշերային լուսավորության լամպերը, ՀՀ վարչապետ Նիկոլ Փաշինյանը անչափ կարեւոր հայտարարություն է արել Հայաստանի հպարտ եւ դուխով քաղաքացիների համար:
«Մեր կառավարության անդամները պետք է ստանան արժանապատիվ վարձատրություն, դա նաեւ ժողովրդի պատիվն է, որովհետեւ ժողովրդի, գործատուի պատիվն է նաեւ, թե ինքն իր ծառային, իր աշխատողին ոնց է վերաբերվում, եւ Հայաստանի ժողովուրդը պետք է ուրախանա, որ Հայաստանում գործում են նախարարներ, որոնք էդ պարգեւավճարի կարիքն ունեն, թալանով չեն զբաղված»,- նշել է Նիկոլ Փաշինյանը։
Հայ ժողովուրդ, այսուհետ, երբ տնից դուրս կգաք կոմունալները վճարելու, վարկերը փակելու, պարտքով փող ճարելու, նոր վարկ վերցնելու, գրավատուն մտնելու, ավտոմեքենան հերթական անգամ վաճառելու փորձ անելու, օրվա հացի խնդիրը լուծելու, երեխայի ուսման վարձավճարը մուծելու, ապա չմոռանաք ժպտալ, ուրախ լինել, չէ որ նախարարներն ու մարզպետները պարգեւավճար են ստանում եւ դրա կարիքն ունեն: Ոչինչ, որ դու էլ դրա կարիքն ունես, բայց դեռ դրան արժանի չես:
Կարեւորը քեզ համոզում են, որ դու ես տերը մարզպետի եւ նախարարի, բայց պարգեւավճար ստացող մարզպետն ու պատգամավորը նոր եւ շքեղ տուն է գնում, իսկ դու բնակարանդ ես գրավի տակ դնում, որ կենցաղային խնդիրները լուծես եւ նույնիսկ կորոնավիրուսային համավարակի ընթացքում ժամանակին մուծես վարկերդ ու կոմունալներդ:
Ի վերջո կարեւորը նախարարներն ու մարզպետներն են եւ, իհարկե, վարչապետը: Մի տխրեք, մի վհատվեք, այլ ուրախ եղեք, քանզի նախարարն ու մարզպետը պարգեւավճար են ստանում, եւ տնից դուրս եկեք լայն ժիտով, բարձր տրամադրությամբ եւ ոգեւորված վճարեք կոմունալները, վարկերը եւ հայթհայթեք օրվա հացը, եւ որ ամենակարեւորն է՝ մի մտածեք ձեր ցածր աշխատավարձի եւ եկամուտների մասին:
Ամեն դեպքում հիշեք, որ ուսուցչին քիչ են վճարում, կորոնավիրուսային համավարակի դեմ պայքարող բժշկին քիչ են վճարում, գյուղացուն չեն օգնում, որ խնայված միջոցներով մարզպետին, նախարարին ու պատգամավորին բարձր աշխատավարձ եւ պարգեւավճար տան, որ ձեր պատիվն ու տրամադրությունը բարձր լինի:
Իսկ ծեր կնոջը Փաշինյանի առաջ խոնարհելը մտնում է նախարարներով եւ մարզպետներով ուրախ լինելու կոնցեպտի մեջ. հանկարծ վատ-վատ բաներ չմտածեք:
Վահրամ Գեւորգյան
Top-News.am
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում