Ուղեկցորդուհին մարդավաճառների զոհին փրկել է զուգարանում թողած գրառման շնորհիվ

Alaska Airlines ավիաընկերության ուղեկցորդուհին աղջկան մարդավաճառներից փրկել է օդանավի զուգարանում թողած գրառման շնորհիվ, հայտնում է BBC-ի ռուսական ծառայությունը:

Շելիա Ֆեդրիկը լրագրողներին ասել է, որ անմիջապես անհանգստացել է, երբ շփոթահար աղջկան տեսել է լավ հագնված տղամարդու կողքին: Դեռահասն «ասես զարհուրելի դժոխքով անցած լիներ»:

Ֆեդրիկն աննկատ հասկացրել է զուգարան գնալ, որտեղ նրան հայելու վրա դրված գրառում էր սպասում: Նույն գրառման վրա աղջիկն ավելացրել է, որ օգնության կարիք ունի:

Պարզվել է, որ նա մարդավաճառների զոհն է դարձել: Ֆեդրիկը տեղի ունեցածի մասին հայտնել է օդաչուին, եւ նա կարողացել է նախօրոք հայտնել ոստիկանությանը:

Միջադեպի մասին, որը տեղի է ունեցել 2011 թվականին, այս շաբաթ է հրապարակվել, երբ Airline Ambassadors բարեգործական կազմակերպությունը անձնակազմի անդամների շրջանում սկսել է մարդկանց առեւտրի դեմ պայքարի դասընթաց:

Airline Ambassadors-ի կայքում նշված է, որ զոհերը կարող են վախեցած լինել համազգեստով մարդկանց կողքին, չիմանալ, թե ուր են մեկնում: Կարող են պատասխանել նախապես սովորեցրած արտահայտություններով եւ հանգնված լինել ժամանման վայրին անհամապատասխան:

Չարագործները կարող են փորձել հարցերին պատասխանել իրենց զոհերի փոխարոեն, նաեւ նրանց անձնական տվյալների մասին ոչինչ չիմանալ:

Փրկված աղջիկն այժմ քոլեջում է սովորում եւ կապ է պահպանում ուղեկցորդուհու հետ:

news.am