«Առաջիկա տարիներին մենք կմեծացնենք Ադրբեջանից գնվող գազի ծավալները». Չավուշօղլու
Թուրքիայի արտգործնախարար Մևլութ Չավուշօղլուն իր ադրբեջանցի գործընկեր Ջեյհուն Բայրամովի հետ հանդիպումից հետո տեղի ունեցած մամուլի ասուլիսի ժամանակ անդրադարձել է Թուրքիա-Ադրբեջան ռազմավարական նախագծերին և հայտարարել է, որ Թուրքիան առաջիկա տարիներին ավելացնելու է Ադրբեջանից գնվող գազի ծավալները: Այս մասին տեղեկացնում է takvim.com.tr կայքը:
«Թուրքիան և Ադրբեջանը համատեղ բազմաթիվ ռազմավարական նախագծեր ունեն՝ սկսած Կովկասից մինչև Հեռավոր Արևելք և Լոնդոն: Նման հիանալի նախագծերի օրինակ են Բաքու-Թբիլիսի-Կարս երկաթգիծը, Տրանսանատոլիական գազատարը և այլն: Ներկայում Հարավային Կովկասում ևս երկու նախագիծ կա, որի իրականացումը շատ կարևոր է: Դրանցից մեկը Կարս-Նախիջևան երկաթգիծն է, մյուսը` Թուրքիա-Նախիջևան գազատարը: Ադրբեջանը դեպի Թուրքիա գազի մատակարարման ծավալներով արդեն առաջին տեղում է: Առաջիկա տարիներին մենք կմեծացնենք Ադրբեջանից գնվող գազի ծավալները»,-ասել է Թուրքիայի արտգործնախարարը:
Ադրբեջանի նորանշանակ արտգործնախարար Ջեյհուն Բայրամովը պաշտոնական այցով մեկնել է Թուրքիա: Սա Բայրամովի առաջին արտասահմանյան այցն է Ադրբեջանի արտգործնախարարի պաշտոնում:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...