Ռոբերտ Քոչարյանի հինգ մեսիջները
Երեք հեռուստալիքներին տված բավական երկար եւ մանրակրկիտ հարցազրույցում ՀՀ երկրորդ նախագահ Ռոբերտ Քոչարյանն անդրադարձավ այն կարեւոր մարտահրավերներին, որոնց բախվել է մեր պետությունն ու ժողովուրդը, եւ միաժամանակ հստակ մեսիջներ հղեց տարբեր շրջանակների:
1. Մեսիջ հասարակությանը
Երկրորդ նախագահը հստակ եւ հիմնավորված ներկայացնելով իրավիճակը շեշտեց, որ այն բարդ է եւ այսպես շարունակվելու դեպքում ավելի է վատթարանալու, եւ այս իրավիճակում կարեւորեց հասարակության դերը, որը պետք է բարձրաձայնի իր խնդիրների մասին, պայքարի իր իրավունքների եւ ավելի լավ կյանքի համար: Նախագահը իր գնահատականներում բավական բաց էր եւ երկիմաստության տեղ չթողեց՝ ունենք զգալի ռիսկեր։ Եվ հասարակությունը դրանց մասին պետք է տեղեկացված լինի։
2. Մեսիջ քաղաքական գործիչներին եւ հանրային շրջանակներին
Ռոբերտ Քոչարյանը ստեղծված իրավիճակում կարեւորեց քաղաքական ուժերի, քաղաքական գործիչների, հանրային ակտիվ դերակատարում ունեցող անհատների պահվածքը, ընդգծելով, որ նրանց կրավորական, դիտորդի դերը պատմության առաջ չի հասկացվելու։ Քաղաքական ընդդիմությունը պարտավոր է զգալ իր առաքելությունը եւ կոնսոլիդացնող դերակատարումը, ինչը թույլ կտա կասեցնել պետության ռիսկային ընթացքը։
3. Մեսիջ կառավարող ուժին
Որեւէ չարություն չարտահայտվեց, երբ ՀՀ երկրորդ նախագահն անդրադառնում էր կառավարող ուժին: Հնչեց փաստարկված եւ տեղին քնննադատություն, բայց նշմարելի էր այն հույսը, որ արած սխալներից գործող իշխանությունը դասեր կքաղի եւ կփորձի ռեստարտ անել, փորձելով շտկել իրավիճակը: Քոչարյանն ուներ բոլոր բարոյական իրավունքները այդպես չվարվեր, սակայն պետականության զգացողությունը նա ցուցադրաբար վեր դասեց անձնական զգացմունքներին։
4. Մեսիջ Ռուսաստանին
Ռոբերտ Քոչարյանի հարցազրույցի առանցքային կետերից մեկը պետության անվտանգության խնդիրն էր եւ այդ համտեքստում՝ հայ-ռուսական հարաբերությունները։ Շատ կարեւոր էր հստակ ուղերձը ռուսական էլիտային, որ հայ հասարակությունը ոչ թե հակառուսական տրամադրությունների հրահրման անդադար փորձեր անող որոշ շրջանակներն են, այլ դոմինանտ են հայ-ռուսական հարաբերությունները կարեւորող, Ռուսաստանի նկատմամբ դրական եւ ռացիոնալ հարաբերությունների կողմնակից տրամադրությունները։
5. Մեսիջ Ադրբեջանին
Ռ. Քոչարյանն անդրադառնալով Ադրբեջանի նախագահի հայտարարությանը, թե իրենք այլեւս բանակցելու իմաստ չեն տեսնում, ձեւակերպեց միակ գրագետ պատասխանը՝ «...չեն ուզում բանակցել, ուրեմն չենք բանակցի... Բանակցությունները ավելի լավ են, քան ցանկացած պատերազմ, բայց շանտաժի ենթարկվել չի կարելի....Երբ իրենք կհասկանան, որ բանակցություններին այլընտրանք չկա, դրանք կվերականգնվեն»։ Սա իրականում պետք է լիներ պաշտոնական Երեւանի պատասխանը։ Բայց կարծում ենք, Քոչարյանի կենսագրությունը թույլ է տալիս վստահ լինել, որ Ալիեւը այդ մեսիջը ճիշտ եւ ամբողջությամբ հասկացավ։ Քոչարյանը երկար տարիներ եւ հաջողությամբ բանակցել է Հեյդար ու Իլհամ Ալիեւների հետ եւ նաեւ հաջողությամբ հաղթել ու պարտադրել խաղաղություն, երբ նրանք հրաժարվում էին բանակցել։
Գեղամ Նազարյան
Top-News.am
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)