Իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով. Միհրան Պողոսյան (տեսանյութ)
Մեկ անձի վերաբերյալ չի կարող միաժամանակ խափանման միջոցի տարբեր միջնորդություններ քննվել, հենց այդ հիմքով առաջին ատյանի դատարանի դատավոր Վահագն Մելիքյանը մերժել է ՊԵԿ քննիչի՝ Սուրբ Աթոռում ՀՀ նախկին դեսպան Միքայել Մինասյանին կալանավորելու վերաբերյալ միջնորդությունը: Այս մասին Tert.am-ի հետ զրույցում ասաց Միքայել Մինասյանի պաշտպան Միհրան Պողոսյանը:
Նա նաև նշեց, որ այս գործն ի սկզբանե ապօրինի է, որովհետև մեղսագրվող հոդվածը չի կարող քննվել ՊԵԿ քննչական վարչությունում:
Հարցին, թե ինչ հիմքով է մերժվել կալանավորելու միջնորդությունը, Պողոսյանն ասաց. «Քրեական դատավարության օրենսգրքի համաձայն` կալանքի միջնորդությունը մերժելուց հետո նոր ի հայտ եկած հանգամանքների հիման վրա է թույլատրվում անձին կրկին կալանավորել, այդ պարագայում նոր այդպիսի հանգամանքներ ի հայտ եկած չեն եղել»:
Հարցին, թե 2018-ին էր հարուցված քրեական գործը և գրեթե երկու տարի անց ոչինչ չէր արվել,հիմա մեկ ամսում 2 միջնորդություն է ներկայացվել միայն խափանման միջոցի մասով, սա ինչով է պայմանավորվում, պաշտպանն ասաց. «Եթե ուսումնասիրենք սոցիալական ցանցերը, վարչապետի ֆեյսբուքյան պատը, ապա կհասկանանք, որ 2018-ին հարուցված քրեական գործով մինչև վերջին ժամանակներս հրահանգ չի եղել , Միքայել Մինասյանի քաղաքական ակտիվության պատճառով հրահանգ է իջեցվել, որպեսզի ամեն գնով հասնեն Միքայել Մինասյանին կալանավորելուն:
Դրա համար մենք ի սկզբանե գիտենք, թե ինչն է այս քրեական գործով խնդիրը, որն է իշխանության՝ ի դեմս ՊԵԿ-ի ու Դատախազության, նպատակը, մենք տեսնում ենք նաև ապօրինությունները, որոնք կատարվում են այս քրեական գործի շրջանակում:
Քավ լիցի, մենք երբևէ իրավական օրինական պայքարի մեջ մտնելուց որևէ պետական մարմնի հետ չենք խուսափում ու չենք խուսափելու, բայց խնդիրն այն է, որ այստեղ քրեաիրավական հարցեր չեն լուծվում, ես պնդում եմ, որ իշխանությունը Միքայել Մինասյանի դեմ պայքարում է որպես քաղաքական հակառակորդի՝ քրեաիրավական գործիքներով»:
Միհրան Պողոսյանը նշեց, որ այստեղ է, որ խնդիր է առկա և այստեղ է, որ սա դադարում է քրեական գործ լինելուց, այլ սա լինում է ճնշումների և լռեցնելու միջոց:
Առավել մանրամասն՝ տեսանյութում:
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
Լուկաշենկոն խոսել է նախագահի պաշտոնից հեռանալու մասին
61 միլիոն եվրո․ Մբապեն դատարանում հաղթել է ՊՍԺ–ին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Աբովյանի 37-ամյա բնակչուհին կեղծ թղթադրամներ էր իրացրել մի շարք բնակավայրերում. նա ձերբակալվել է
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ