Վերջին 2 տարիներին փոխվել է բանակցային գործընթացի տրամաբանությունը եւ թուլացրել հայկական կողմերի դիրքերը. «Վերնատուն»
«Վերնատուն» հասարակական-քաղաքական ակումբի գրասենյակում այսօր տեղի է ունեցել ակումբի Արցախի, անվտանգության եւ արտաքին հարաբերությունների հանձնաժողովի նախաձեռնած հերթական քննարկումը, որի ընթացքում ակումբի անդամ եւ հրավիրված փորձագետները խոսել են արտաքին քաղաքական հիմնախնդիրների, Լեռնային Ղարաբաղի բանակցային գործընթացում ստեղծված իրավիճակի եւ տարածաշրջանային այլ զարգացումների մասին։
Քննարկման առանցքում Լեռնային Ղարաբաղի հակամարտության ԵԱՀԿ Մինսկի խմբի բանակցային գործընթացի ներկա փուլն ու միջազգային տարբեր կառույցներում՝ հատկապես Եվրոպական խորհրդարանում, դրան վերաբերող գնահատականների ու քաղաքական դիրքոշումների վատթարացման փաստն էր։
Մտահոգիչ է համարվել այն իրողությունը, որ վերջին ժամանակաշրջանում հեղինակավոր միջազգային ատյանների փաստաթղթերում օգտագործվում են բացառապես Ադրբեջանի համար նախընտրելի ձեւակերպումներ։
Ընդգծվել է, որ սա հետեւանք է ՀՀ արտաքին գործերի նախարարության եւ խորհրդարանական դիվանագիտության բացարձակ անգործության, եւ Ադրբեջանի իշխանություններին շարունակաբար հաջողվում է հօգուտ իրենց փոխել բանակցային գործընթացի էությունն ու դրա վերաբերյալ միջազգային կառույցների մոտեցումները։
Քննարկման մասնակիցները միակարծիք են եղել, որ Հայաստանում եւ Արցախում վերջին երկու տարիների ընթացքում տեղի ունեցած քաղաքական զարգացումներն էապես փոխել են բանակցային գործընթացի տրամաբանությունը եւ թուլացրել հայկական երկու պետությունների դիրքերը թե՛ բանակցությունների սեղանի շուրջ եւ թե՛ միջազգային տարբեր հարթակներում։
Անդրադարձ է եղել նաեւ հարակից տարածաշրջաններում՝ հատկապես Մերձավոր Արեւելքում տեղի ունեցող զարգացումներին։ Քննարկվել է Սիրիայում, Իրաքում, Լիբանանում, Լիբիայում եւ Իրանի շուրջ շարունակվող զարգացումների ընթացքը եւ դրանց հնարավոր ազդեցությունը Լեռնային Ղարաբաղի հակամարտության վրա։ Այս համատեքստում շեշտվել է նաեւ այն փաստը, որ ՀՀ իշխանությունները գրեթե չեն մասնակցում տարածաշրջանային եւ արտատարածաշրջանային զարգացումների քննարկմանը ո՛չ բազմակողմանի եւ ո՛չ էլ երկկողմանի ֆորմատներում։
Ավելին, վերջին ամիսների ընթացքում նկատելի է պաշտոնական Երեւանի հարաբերությունների ակտիվության նվազում նաեւ մեր ավանդական գործընկերների եւ դաշնակից երկրների հետ։ Առանձին քննարկվել են Ռուսաստան-Թուրքիա հարաբերությունների վերջին զարգացումները եւ մեզ համար դրանց հնարավոր հետեւանքները։
«Վերնատուն» հասարակական-քաղաքական ակումբի Արցախի, անվտանգության եւ արտաքին հարաբերությունների հանձնաժողովն առաջիկայում շարունակելու է Հայաստանի արտաքին քաղաքականությանն ու անվտանգային հիմնախնդիրներին նվիրված քննարկումների շարքը։
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Օդի որակի ինդեքսի միջինացված արժեքները նոյեմբերին եղել են զգայուն խմբերի համար անառողջ միջակայքում
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Վիեննայում կայացել է Արարատ Միրզոյանի հանդիպումը ԵԱՀԿ ԺՀՄԻԳ տնօրենի հետ (տեսանյութ)