Գոյություն չունի պետական ինստիտուտ՝ սկսած նախագահի ինստիտուտից, գոյություն չունի Սահմանադրություն. Հայրապետյան
Իշխանությունը հասկացավ, որ այլևս անիմաստ է մոտավոր օրենքի շրջանում փորձել գործել և գործողություններ սկսեցին ծավալել արդեն անարխիստական տարբերակով։ «Սահմանադրական փոփոխություն» անվամբ նախագիծը վկայում է այն մասին, որ մեր պետությունում գոյություն չունի պետական ինստիտուտ՝ սկսած նախագահի ինստիտուտից, գոյություն չունի Սահմանադրություն և Սահմանադրության 1-ին հոդվածի իրավական և ժողովրդավարական պետության բոլոր նորմերն ամբողջությամբ հավասարեցված են հողին։Այս մասին լրագրողների հետ զրույցում ասաց իրավաբան Ռոբերտ Հայրապետյանը։
«Մենք պարբերաբար քննարկման առարկա ենք դարձնում, որ այդ 88 հոգանոց աղջիկների և տղաների խմբակը կենթարկվի քրեական պատասխանատվության, որովհետև յուրացրել է իշխանություն, տապալել է սահմանադրական կարգը։ Եթե փաստական հանգամանքների մեջ խորանանք, վստահ եմ, որ ՀՀ քրեական օրենսգրքի ոչ միայն այդ երկու, այլև՝ շատ-շատ հոդվածներ կբնութագրեն նրանց գործողությունները, բայց արդյունքում մենք ունենում ենք անվերադարձնելի և անվերականգնելի երևույթ, չեմ խորշի այդ բառից, բռնաբարված Սահմանադրություն և բռնաբարված պետություն»,- ասաց Հայրապետյանը։
Նրա խոսքով՝ ՍԴ նոր դատավորները լինելու են ոչ լեգիտիմ և նշանակվելու են անօրինական ճանապարհով, որովհետև այն հիմքը, որով ՍԴ գործող անդամները պետք է հեռացվեն՝ ապօրինի են և հակասահմանադրական։ Բացի այդ՝ Հայրապետյանը նշեց, որ «Բարգավաճ Հայաստան» խմբակցությունը և անկախ մեկ պատգամավոր դիմել են ՍԴ և այսօր պետք է լինի որոշումը՝ դիմումը վարույթ ընդունելու կամ չընդունելու մասին։
«Հիմնական զարգացումները, որոնք պետք է տեղի ունենային, տեղի չունեցան ընդդիմադիր քաղաքական ուժերից մեկի մեկ պատգամավորի ստորագրություն դնելու ժլատության հիմքով և ՀՀ նախագահի պաշտոնը ծանրաբեռնած անձի ծառայամտության և քաղաքական ենթարկվողականության արդյունքում, որովհետև ՀՀ նախագահը, լինելով Սահմանադրության երաշխավոր, որը հստակ գրված է Սահմանադրությունում, այդ երաշխավորի դերը ստանձնելու փոխարեն ոչ միայն անգործություն ցուցաբերեց, այլև՝ իր թողտվությամբ ԱԺ-ն տիրացավ նաև ՀՀ նախագահի լիազորություններին։ Այդ անգործությունը կամ ձեռնպահ մնալը որևէ կերպ նույն ՀՀ նախագահին չի ազատելու պատասխանատվությունից, որովհետև ՀՀ քրեական օրենսգրքում բազմաթիվ անգամներ նշվել է, որ գործողությունից բացի նաեւ անգործությունն է ահամարվում անգործություն և որևէ մեկը նման անարգանքի, Սահմանադրությունը նման կերպ այլասերելու, պետական ինստիտուտները նման կերպ ստորացնելու համար անմասն չի մնալու պատասխանատվության կրումից, ընդ որում՝ օրենքի ամբողջ խստությամբ »,- շեշտեց Հայրապետյանը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում