Եթե լիներ քաղաքական պատվեր, Ռոբերտ Քոչարյանին հիմա պետք է բաց չթողնեին. Ալեն Սիմոնյան
Իշխանություններին չի անհանգստացնում, որ վերաքննիչ դատարանը Ռոբերտ Քոչարյանի կալանքը փոխարինեց 2 մլրդ դրամ գրավով եւ նա արդեն ազատ է արձակվել:
«Ոչ չի անհանգստացնում, ինչի՞ պետք է անհանգստացնի: Անհանգստացնում է մարդկանց զայրույթը եւ այն ընկալում, որ ինչ-որ մեկին բռնել եք, բաց եք թողնում»,- ՔՊ գրասենյակում ԱԺ «Իմ քայլը» խմբակցության նիստից հետո լրագրողների հետ զրույցում նշեց ԱԾ փոխխոսնակ Ալեն Սիմոնյանը:
«Մենք դատարանի վճիռների մասին իմանում ենք բոլորի հետ միասին, երբ դրանք հրապարակային են դառնում: Մենք ոչ մեկին չենք բռնում եւ բաց չենք թսղնում: Դա քաղաքական որոշում չի եղել եւ չէր կարող լինել: Իրավական պրոցեսը շարունակվում է, էլի են եղել դեպքեր, երբ Ռոբերտ Քոչարյանին ազատ են արձակել, հետո խափանման միջոցը փոխվել է»,-ասաց նա՝ հավելելով. «Քաղաքական պատվերի մասին յուրաքանչյուր խոսք տապալման ենթակա է, որովհետեւ եթե այդ տրամաբանությամբ շարժվենք, ուրեմն Ռոբերտ Քոչարյանին հիմա պետք է բաց չթողնեին»:
Դիտարկմանը, որ հանրության մեջ կա դժգոհություն, որ խոստացված վեթինգը, բարեփոխումները այդպես էլ չարվեցին, ԱԺ փոխխոսնակն ասաց. «Վեթինգը ոչ միայն իր մեջ պարունակում է այն, ինչ ուղիղ իմաստով խոսվում է, այլեւ տարբեր գործընթացներ, որը տեղի է ունենում, բազմաթիվ դատավորներ, բազմաթիվ փոփոխություններ տեղի են ունենում: Ուղղակի քանի որ լրատվական դաշտը միտումնավոր կամ ոչ միտումնավոր դրան վրա ուշադրություն չի դարձնում, որեւէ բացասական բան ստեղծելու եւ շրջանառության մեջ դնելու փնտրտուքի մեջ է հաճախ դա հայտնի չի դառնում: Բոլոր հարցերը՝ լինի վեթինգը, լինի ստեղծված իրավիճակը, քայլ առ քայլ լուծվում են եւ լուծվելու են:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում