Նիկոլ Փաշինյանը բյուջեն ուզում է լցնել դիմակ չկրողների հաշվին

Մարզերում, անգամ Երեւանում չեն բավականացնում այն բուժհաստատությունները, որտեղ օգնություն կարող են ցուցաբերել կորոնավիրուսով հիվանդներին, իսկ Նիկոլ Փաշինյանը շարունակում է մտածել միայն դիմակ չկրողներին տուգանելու մասին:

Ամենայն հավանականությամբ դատարկվող բյուջեն, տնտեսական ահագնացող ճգնաժամը Փաշինյանը փորձում է լուծել դիմակ չկրողներին տուգանելու հաշվին: Այս ամենն արդեն ոչ թե ամոթ է, այլ մղձավանջ:

Նույնիսկ ԱՄԿ-ն է պնդում, որ կորոնավիրուսի դեմ պայքարում առողջ մարդկանց մաքուր օդում դիմակ պարտադրելն ամենահաջող լուծումը չէ, անգամ դա չէ լուծումը, բայց Փաշինյանը սեւեռվել է դիմակի եւ մարդկանց տուգանելու վրա:

Նա այնքան է անկեղծացել, որ պահանջում, պարտադրում է անձնագրով դուրս գալ տնից, որ տուգանելու գործընթացն ավելի հեշտ լինի: Ավելին, որ ավելի շատ մարդու տուգանեն, գործի են դրվելու քաղաքացիական հագուստով ոստիկանները: 

Top-News.am