«РИА Новости»-ն անդրադարձել է Գագիկ Ծառուկյանի ու ԱԱԾ-ի մոտ տեղի ունեցող իրադարձություններին

Ռուսաստանյան «Ռիա Նովոստի» կայքը անդրադարձել է այսօր Հայաստանում ընթացող իրադարձություններին։ «Բարգավաճ Հայաստան» ընդդիմադիր խորհրդարանական խմբակցության ղեկավար, մեծ գործարար Գագիկ Ծառուկյանի կողմնակիցները, ում տունը խուզարկվել է կիրակի օրը, Ազգային անվտանգության ծառայության շենքի դիմաց վանկարկում էին. «Նիկոլ, հեռացիր»՝ պահանջելով վարչապետ Նիկոլ Փաշինյանի հրաժարականը, հայտնում է Ռիա Նովոստին։

Ավելի վաղ, ԲՀԿ-ական պատգամավոր Նաիրա Զոհրաբյանը հայտնել էր Ազգային անվտանգության ծառայության անդամների կողմից Ծառուկյանի տան մոտ իրականացված խուզարկության մասին: Ըստ նրա՝ քննչական գործողությունների պատճառը կարող են լինել ֆինանսական խնդիրները, որոնք ծագել են Մարտունի քաղաքում մեծամասնության թեկնածուներից մեկի հետ 2017-ի խորհրդարանական ընտրությունների ժամանակ:
«Մենք պահանջում ենք Նիկոլ Փաշինյանի հրաժարականը», - բարձրախոսով ասել է ցուցարարներից մեկը, որից հետո ցուցարարները սկսել են վանկարկել՝ «Նիկոլ, հեռացիր», և «Ծառուկյան, վարչապետ»:

Ավելի վաղ, Ծառուկյանը խոսել է իր տան մոտ հավաքված ցուցարարների հետ: Նա իր դեմ հնչած մեղադրանքները անվանել է շինծու, իսկ կատարվածը` քաղաքական ճնշում և շանտաժ: Պատգամավորի խոսքով՝ իրենք ուզում են վախեցնել նրան, բայց ինքը չի հանձնվի: Ծառուկյանը հավելել է, որ այժմ նրան հարցաքննում են։
Հունիսի 5-ին կուսակցության քաղխորհրդի նիստում Ծառուկյանն առաջարկել է՝ կառավարությունը 100% -ով փոխվի: Ըստ նրա՝ հիմնական խնդիրն այն է, որ կառավարությունում փորձառու մարդիկ չկան:
«Բարգավաճ Հայաստան» կուսակցությունը, լիբերալ կողմնակալությամբ քաղաքական ուժը, ստեղծվել է ձեռներեց Գագիկ Ծառուկյանի կողմից՝ 2004 թվականին: «Բարգավաճ Հայաստանի» ներկայիս գումարման խորհրդարանը 132-ից ունի 25 տեղ: ԲՀԿ-ն կողմ է Ռուսաստանի հետ հարաբերությունների զարգացմանն ու ամրապնդմանը: