Քեյթ Միդլթոնը դատի կտա Tatler ամսագրին

Արքայազն Ուիլյամը և նրա կինը՝ Քեյթ Միդլթոնը, հայտարարել են, որ պատրաստվում են դատի տալ Tatler ամսագրին՝ Քեմբրիջի դքսուհու մասին քննադատական հոդվածի պատճառով: Այդ մասին հայտնում է Daily Mail-ը՝ հղում անելով իր աղբյուրներին:

Խոսքը «Екатерина Великая» հոդվածի մասին է: Հրապարակման մեջ գրվում է, որ Քեյթ Միդլթոնի վրա բազմաթիվ լրացուցիչ աշխատանքներ են ընկել այն բանից հետո, երբ արքայազն Հարին և Մեգան Մարքլը հրաժարվել են իրենց թագավորական պարտականություններից: Այս ամենի հետևանքով Միդլթոնը նյարդային նոպայի մեջ է: Հրապարակումը նաև հաղորդում է դքսուհու՝ սնվելու հետ կապված որոշ խանգարումների մասին, ինչը նրան դարձնում է տգեղ և «նիհար, ինչպես արքայադուստր Դիանան»: Բացի դրանից՝ նյութը բացահայտում է մանրամասներ Քեյթի և Սասեքսի նախկին դքսուհու միջև վատ հարաբերությունների մասին:

Քենսինգթոնի պալատը հերքել է արքայազն Ուիլյամի կնոջ սթրեսային վիճակի մասին լուրերը, իսկ թագավորական ընտանիքին մոտ կանգնած աղբյուրը հայտնել է, որ նյութը համաձայնեցված չի եղել նախքան հրապարակումը: Միևնույն ժամանակ, ամսագրի գլխավոր խմբագիրը պնդում է, որ պալատը գիտեր այդ համարի հրապարակման մասին:

Այս թեմայով Արքայազն Չարլզը դադարել է ֆինանսավորել Հարիին ու Մեգան Մարքլին Բրիտանական թագավորական ընտանիքի կայքից ջնջվել են Մեգան Մարքլի, արքայազններ Հայրիի եւ Էնդրյուի հաշիվները Բացահայտվել է, թե ով է արքայական ընտանիքի ամենագեղեցիկ կինը Հարին և Մեգանը վերադառնում են Մեծ Բրիտանիա Արքայազն Ֆիլիպը կորոնավիրուսի պատճառով ծննդյան 99-ամյակին խուսափել է մեծ խնջույքից, հրավառությունից