Դռնփակ դատական նիստում կայացված դատավճիռն ամբողջությամբ հրապարակելը ոչ միայն անօրինական է, այլև անբարոյականություն
Համացանցում տարածվել է ԲՀԿ առաջնորդ, ԱԺ պատգամավոր Գագիկ Ծառուկյանի և այլ անձանց վերաբերյալ 1979թ. ՀՍՍՀ Գերագույն դատարանի կոլեգիայի կողմից կայացված դատավճիռը, որը հրապարակվել է նույն թվականի հոկտեմբերի 1-ին հայկական ՍՍՀ Գերագույն դատարանի քրեական գործերի դատական կոլեգիայում՝ դատավոր Ա. Սարգսյանի նախագահությամբ:
Ըստ դատավճռի՝ Գագիկ Ծառուկյանը դատապարտվել է 7 տարվա ազատազրկման և պատիժը կրել ուղղիչ աշխատանքային գաղութում:
Համացանցում հայտնված լուսապատկերներին ֆեյսբուքյան իր էջում անդրադարձել է փաստաբան Տիգրան Աթանեսյանը: Ըստ նրա՝ «դռնփակ դատական նիստում կայացված դատավճիռն ամբողջությամբ հրապարակելը ոչ միայն անօրինական է, այլ նաև անբարոյականություն»:
«Երբեք չեմ հանդիսացել Ծառուկյանի կողմնակիցը, անձամբ չեմ ճանաչում: Բայց որպես իրավաբան չեմ կարող չասել հետևյալը՝
Դռնփակ դատական նիստում կայացված դատավճիռն ամբողջությամբ հրապարակելը ոչ միայն անօրինական է, այլ նաև անբարոյականություն: 21 տարվա մասնագիտական փորձս ինձ թույլ է տալիս ըստ դատավճռի էության ասել, որ բռնաբարություն կամ սեռական այլ հանցագործություն այդտեղ չկա:
Կողոպուտի մասով պետք է եզրակացնել, որ 22-24 տարեկան տղերքը պարզապես վերջում անցել են որոշակի սահմաններ. պետք է նորմալ ճանապարհեին այդ կանանց, բայց կյանքի փորձի պակասի հետևանքով ընկել են պրոբլեմի մեջ: Չլիներ այդ ոսկեղենը, չէր լինի այդ գործը:
Եվ վերջում՝ Գագիկ Ծառուկյանի հետ առճակատման ամենածանր պահին էլ, ես վստահ եմ, Սերժ Սարգսյանի մտքով անգամ չէր անցնի նման ստոր քայլի դիմելը:
Անբարոյականության մեջ խրված, ուրիշի ընտանիքը և զավակներին չհարգող իշխանության օրերը շատ կարճ են»,- գրել է նա:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ