Վարչապետը խուսանավեց բուն խնդրից, և իմ այդ թեմայով գրառման status quo-ն մնում է անփոփոխ և անպատասխան․ Վահան Արծրունի
Այնպիսի տպավորություն է, որ վարչապետին իմ տեքստի բովանդակությունը ներկայացնելիս «մոռացան» նշել, որ ես հատկապես նկատի ունեի ԵՊԲՀ (պետական) 1-ին հիվանդանոցի նոր մեկուսարանը, այլ ոչ թե որևէ մասնավոր հիմնարկություն, և ՄԱՐՏ ամիսը, այլ ոչ թե ՀՈՒՆԻՍԻ 5-ը` եթե այսօրվանից հետ հաշվենք 3 օր: Այս մասին գրել է Երեւանի Պետական Բժշկական Համալսարանի հոգաբարձուների խորհրդի նախագահ, երգիչ, երգահան Վահան Արծրունին․
«Ես տեղեկացված էի փոխնախարարի այցի մասին, բայց գրառումս վերաբերում էր հետևյալ հանգամանքին` եթե բժշկական կովիդ-մեկուսարանը պատրաստ էր մարտից, ինչու այն չօգտագործվեց մինչև մայիսի սկիզբը այն դեպքում, երբ դրա սուր անհրաժեշտությունը արդեն կար դեռ ապրիլի վերջերին: Ավելի կոնկրետ` ասածս ի սկզբանե այն էր, որ «նախարարությունը պետք է կայացներ որոշումը համապատասխան բուժհաստատության հետ» շատ ավելի վաղ, քան երեք օր առաջ», գրել է Վահան Արծրունին։
Փաստացի` վարչապետը «խուսանավեց բուն խնդրից, և իմ այդ թեմայով գրառման status quo-ն մնում է անփոփոխ և անպատասխան», գրել է Վահան Արժրունին եւ հիշեցրել մայիսի 7-ի Ֆեյսբուքյան գրառման ամբողջական տեքստը․
«Մարտ ամսից ԵՊԲՀ 1-ին կլինիկական հիվանդանոցում այս հատուկ covid-բաժանմունքը (մեկուսարան) ամբողջովին կոմպլեկտավորված մասնագետներով, սարքավորումներով և բժշկական միջոցներով ԴԱՏԱՐԿ Է եղել և չի գործածվել անհայտ պատճառներով։ Մարտ ամսից համալսարանական կլինիկան կարող էր ընդունել և բուժ. օգնություն ցուցաբերել վարակակիրներին, բայց «չէր նկատվում» առողջապահության նախարարության կողմից, նույնիսկ այն պարագայում, երբ հիվանդանոցային անկողնային և մասնագիտական ռեսուրսը սպառման առաջ էր կանգնած։ Այդ ատյանի ղեկավարը նախընտրում էր ոչ միայն հիվանդների «սորտավորումը», այլ նաև՝ բուժ.հաստատությունների։
Ո՞վ է սրա պատասախանը տալու»։
Այնուհետեւ, Վ․Արծրունին մեջբերել է վարչապետ Ն․Փաշինյանի այսօրվա՝ մայիսի 8-ի, արձագանքը․
«...Ինչ վերաբերում է պարոն Արծրունու հրապարակմանը, ես տեղյակ եմ, որ հրապարակումից երեք օր առաջ այդ թեման լուծված է եղել արդեն, եւ նախարարությունը համապատասխան բուժհաստատության հետ կայացրել է որոշում»։
Ամփոփելով՝ ԵՊԲՀ խորհրդի նախագահը տարակուսել է․
«Միայն ի՞նձ մոտ է այն տպավորությունը, որ մենք տարբեր իրողությունների մասին ենք խոսում»:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ