«Մեռելածին «հեղափոխության» հուղարկավորությունը… «հեղափոխականների» տխրահռչակ էպոպեան մոտենում է ավարտին»

Արտակ Զաքարյանը ֆեյսբուքյան իր էջում գրում է. «Մեռելածին «հեղափոխության» հուղարկավորությունը…

Շանտաժով ու կեղծ լոզունգներով իշխանության եկած «հեղափոխականների» տխրահռչակ էպոպեան մոտենում է ավարտին։
Մի՞թե այսքան շուտ։

Իրականում դեռ մի բան էլ ուշացած է։ Որովհետև ակնհայտ էր, որ Հայաստանում «հեղափոխություն» չի՛ եղել, և չէ՛ր էլ կարող լինել։ Առա՛նց գաղափարի, առա՛նց աշխարհայացքի, առա՛նց ծրագրերի, առա՛նց պայքարի, առա՛նց կենսագրության հեղափոխություն և հեղափոխականներ չեն լինում։ Նիկոլ Փաշինյանը խաբել, և խաբում է ո՛չ միայն ժողովրդին, այլ նաև իր՝ չկայացած «հեղափոխականներին»։

«Հեղափոխություն» կոչվածը մեռելածին մի երևույթ էր, որը պետք է Նիկոլ Փաշինյանին անսահման իշխանություն ապահովեր և «պրոլետարիատի» անունից դիկտատուրա սահմաներ։ Բայց չստացվեց։ Ի հեճուկս հեղափոխականների՝ երկրում կան օրենքներ, պետություն և իրավունք հարգող մարդիկ, ազգային արժեքներ, քաղաքական և իրավական համակարգ։ Բացի այդ, ընդդիմադիրներն առավել քան խոհեմ, պրոֆեսիոնալ ու համառ գտնվեցին, իսկ «հեղափոխականները»՝ առավել քան ապաշնորհ, ապիկար ու ագահ։

Նիկոլ Փաշինյանն իր անվանակոչած մեռելածին «հեղափոխությունը» չկարողացավ «վաճառել» դրսում, որովհետև ի տարբերություն ներսի՝ դրսում միամիտներ չկան։ Ոչ ոք չցանկացավ աջակից լինել ի սկզբանե անշունչ և անհասկանալի քաղաքական մի երևույթի, որը ոչ մեկին, ոչինչ չէր տալու՝ բացի գլխացավանքից։

Բայց Նիկոլը՝ Նիկոլ չէր լինի, եթե գործի չդներ իր դերասանական տաղանդը, մարդկանց մանիպուլացնելու վարպետությունը, և այն ներսում չվաճառեր։ Ու քանի դեռ գործը տաք էր, այդ մեռելածին ապրանքը, Նիկոլ Փաշինյանը «նաղդեց» սեփական ժողովրդի վրա՝ հայտարարելով, որ այն ժողովրդինն է, այսինքն ժողովրդական «հեղափոխություն» է։ Նույնիսկ դրա համար ավելի բարձր գին սահմանվեց՝ քան Արցախյան ազատամարտն էր։

Առուծախի խոշոր գործարքները կայացան 2018թ. հոկտեմբերյան և դեկտեմբերյան ընտրություններում։ Արդյունքում՝ ընտրողների մեկ երրորդի (3-ից 1-ը) ոգևորության ներքո, մեռելածին «հեղափոխությունը» և նրա տխուր հետևանքները փաթաթվեց ամբողջ հասարակության վզին։

Եթե Փաշինյանն ի սկզբանե անկեղծ լիներ, և ասեր, որ իր շարժման նպատակը սովորական իշխանափոխությունն էր, ապա «հեղափոխության» հուղարկավորության հարցի առաջ այսօր արդեն չէր կանգնի։

Կերոնավիրուսի համավարակի ստեղծած ճգնաժամն ընդամենը արագացրեց, ավելի ճիշտ՝ ակնառու դարձրեց «հեղափոխության» առաջնորդի և «հեղափոխականների» իշխանության սնանկությունն ու քաղաքական մերկությունը։ Օստապ Բենդերը նման իրավիճակում կասեր՝ «Հե՛տ քաշվենք պարոնայք, գրասենյակը մեռավ»։

Մեռելածին «հեղափոխությունը» և իր բերած խամաճիկների թատրոնն այլևս անտանելի է դառնում։ Սա փայլուն հասկանում է նաև Նիկոլ Փաշինյանը։ Առավել քան վստահ եմ, որ հասկանում է բոլորից էլ լավ։ Հետևաբար՝ հեռանալուց առաջ մի շատ կարևոր հարցի պատասխան պետք է գտնի. ե՞րբ և ինչպե՞ս «հուղարկավորել այդ մեռելածին «հեղափոխությունը»»։ Այլապես, ինչպես ասել է ֆրանսիական հեղափոխության առաջնորդներից Դանտոնը՝ «հեղափոխությունը խժռում է իր զավակներին»։

Նման վերջաբանի չհանգելու համար, հայկական մեռելածին «հեղափոխությունը» հեղինակների ձեռքով պետք է հուղարկավորվի, որքան շուտ, այնքան լավ։ Դա հնարավորություն կտա քաղաքական համախմբման միջոցով, նախ և առաջ երկիրը դուրս բերել ստեղծված դժոխային վիճակից։ Իսկ որոշ ժամանակ հետո էլ ունենալ նորմալ խորհրդարան և պրոֆեսիոնալ կառավարություն»։

168.am 14:04 Հունիս 8 2020 | | Դիտվել է` 155
Խորագիր:
Քաղաքականություն

SECTION TOP NEWS
Սայաթ Շիրինյանի նկատմամբ վարչական արձանագրություն չի կազմվել. Դանիել Իոաննիսյանը ստում է
14:55 | Սայաթ Շիրինյանի նկատմամբ վարչական արձանագրություն չի կազմվել. Դանիել Իոաննիսյանը ստում է
Երբ երեկ ողջ համացանցը քննարկում էր «Իրազեկ քաղաքացիների միավորում» ՀԿ նախագահ Դանիել Իոաննիսյանի և ՀՀ ոստիկանության լրատվական ծառայության նախկին պետ, գնդապետ Սայաթ Շիրինյանի միջև տեղի ունեցած միջադեպը, Իոաննիսյանը գրառում կատարեց, թե Սայաթ Շիրինյանի նկատմամբ կազմվել է վարչական իրավախախտման արձանագրություն, ենթադրվում էր՝ դիմակ չկրելու համար: ...
Հոսպիտալացման իրենց հերթին սպասող 200 վարակակիրները և Covid 19-ով հիվանդներին սպասարկող բուժկենտրոնների առեղծվածը
13:08 | Հոսպիտալացման իրենց հերթին սպասող 200 վարակակիրները և Covid 19-ով հիվանդներին սպասարկող բուժկենտրոնների առեղծվածը
Վարչապետ Նիկոլ Փաշինյանը հունիսի 6-ին պարետատան նիստից հետո անցկացրած ճեպազրույցում նշել էր, որ այսօրվա դրությամբ Հայաստանում շուրջ 200 կորոնավիրուսով հիվանդ սպասում է հոսպիտալացման իր հերթին: ...
«ՍիՓիէս Օիլ» ՍՊԸ-ն փոխում է Քննչական կոմիտեին մատակարարվող բենզինի գինը
19:20 | «ՍիՓիէս Օիլ» ՍՊԸ-ն փոխում է Քննչական կոմիտեին մատակարարվող բենզինի գինը
ՀՀ Քննչական կոմիտեին 400000 լիտր ռեգուլյար տեսակի բենզին կմատակարարի «ՍիՓիէս Օիլ» ՍՊԸ-ն։ Որպես մատակարար՝ այս ընկերությունն ընտրվել է դեռևս 2019 թվականին, երբ ՔԿ-ում հայտարարվել է «Գնումների մասին» ՀՀ օրենքով բաց մրցույթ, որի արդյունքում ընտրված մասնակից է ճանաչվել հենց «ՍիՓիէս Օիլ» ՍՊԸ-ն։ ...
Պատերազմում չենք կարող հաղթել, եթե հրամանատարը մեռնելուց է խոսում
18:30 | Պատերազմում չենք կարող հաղթել, եթե հրամանատարը մեռնելուց է խոսում
2.5 ամիս է՝ ՀՀ իշխանությունների շուրթերից լսում ենք մեզ հայտարարված նոր պատերազմի, նոր թշնամու կողմից հայտարարված կորոնավիրուսի մասին: Ու այս թշնամին, երբ հարվածում էր ուրիշներին, մենք ապրում էինք մեզ համար անհոգ՝ մտածելով, որ այն մեր սահմաններին չի մոտենա՝ հայու գեն, բիբլիական երկիր, լեգիտիմ իշխանություն: Բայց մոտեցավ, և ունեցանք «վիրավորներ», ու այս անգամ էլ մտածեցինք, թե թշնամին ոչ թե «կիրթ» է, այլ՝ «ում շունն» է՝ չկանխելով նրա առաջխաղացումը, թեպետ ամեն ինչ բացահայտ էր, հատուկ հետախուզության կարիք չկար, և կարող էինք պատրաստվել: ...
«Գմփում եք, տղերք, գռփում ու գմփում». Արմեն Աշոտյանը՝ Իմքայլականններին
17:00 | «Գմփում եք, տղերք, գռփում ու գմփում». Արմեն Աշոտյանը՝ Իմքայլականններին
Պարզվում է, անգամ այս օրերին էլի չեք թարգել մոլագար ու չտես կերպով հարստանալու ձեր հիվանդագին բնավորությունը: Երեկ Վորոնեժում բռնագրավված սիգարետների նոր կոնտրաբանդան վկա: ...