Նիկո՛լ, գնա՛ չուշացած, որ պատմության մեջ չհիշվես որպես մերօրյա «Joker»...
Գնա, որ պատմության մեջ չհիշվես որպես ողբերգական մի նոր ճակատագիր, ով մի ամբողջ երկրի ու ժողովրդի դարձրեց իր անցյալի ապրումների, անկայուն խառնվածքի ու անհավասարակշիռ պահվածքի գերին ու զոհը: Այս մասին ֆեյսբուքյան իր էջում գրառում է արել քաղաքական-հասարակական գործիչ Սամվել Ֆարմանյանը՝ կից հրապարակելով նաև իր տեսաուղերձը:
Գրառումը, որն ամբողջությամբ ներկայացնում ենք ստորև, Ֆարմանյանը վերնագրել է. «Նիկո՛լ, գնա՛ չուշացած, որ պատմության մեջ չհիշվես որպես մերօրյա «Joker»...»:
«XIX դարի կեսերին ԱՄՆ-ում գործում էր բողոքական եկեղեցու խարիզմատիկ քարոզիչ Ուիլյամ Միլլերը: Նա իր բազմամիլիոնանոց հետևորդներին` հավատացյալներին, քարոզում էր, որ 1844 թ. հոկտեմբերի 22-ին տեղի կունենա Քրիստոսի երկրորդ գալուստը: Եկավ այդ օրը, և Քրիստոսի երկրորդ գալուստը տեղի չունեցավ: Միլիոնավոր հավատացյալների մեծ սպասումը վերածվեց մեծ հիասթափության: Հենց այդպես էլ` «Մեծ հիասթափություն», այդ իրադարձությունը մտավ համաշխարհային պատմության մեջ:
Նիկո՛լ, Հայաստանում այսօր մեծ հիասթափություն է: Աչք ունեցողը կտեսնի դա ու ականջ ունեցողը կլսի այն: Ճիշտ է, հիասթափվածների ճնշող մեծամասնությունը այսօր դեռ լուռ է` դե արտակարգ իրավիճակ է: Բայց, եթե դու չկարողանաս լսել ու հասկանալ էդ մարդկանց էսօրվա լռությունը, վախենամ, թե չհասցնես լսել ու հասկանալ նրանց ձայնը, երբ վրա հասնի այն հնչեցնելու անխուսափելի պահը:
Այս տեսանյութում պատմում եմ հիասթափության ընդամենը երեք առանձին պատմություն: Երեք մարդու պատմություն:
Նիկո՛լ, Հայաստանում դու այլևս իշխանություն չունես: Իրավիճակ է փոխվել: Ունեցածդ ավելի շատ իշխանության ստվեր ու հուշ է: Քո ապաշնորհությամբ երկիրը աղետի շեմին ես հասցրել: Պիտի ամեն գնով կանխել վերահաս մեծ աղետը: Դու լավ գիտես` ավելի լավ է հեռանալ մեկ տարի շուտ, քան մեկ օր ուշացած: Գնա՛ խաղաղությամբ: Հավատա` էսօր հենց էդ պահն է: Վաղը կարող է արդեն ուշ լինել: Գնա խաղաղությամբ, որ խաղաղության շանս տաս մեր երկրին ու մեր ժողովրդին:
Գնա, որ պատմության մեջ չհիշվես որպես մերօրյա մի «Joker», ողբերգական մի նոր ճակատագիր, ով մի ամբողջ երկրի ու ժողովրդի դարձրեց իր անցյալի ապրումների, անկայուն խառնվածքի ու անհավասարակշիռ պահվածքի գերին ու զոհը»,- գրել է նա:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ