Բաքվում երկօրյա խիստ կարանտին կգործի․ Տնից դուրս գալ չի կարելի

Ադրբեջանի մայրաքաղաք Բաքվի և մի քանի այլ խոշոր քաղաքաների բնակիչներ ոչ աշխատանքային օրերը կանցկացնեն տանը՝ լիակատար մեկուսացման մեջ, փոխանցում է Deutsche Welle-ն։

Հունիսի 6-ի կեսգիշերից սկսած՝ մինչև հունիսի 8-ի վաղ առավոտ Բաքվի Սումգայթի, Գյանջայի, Լենկորանի և Ապշերոնյան թաղամասի բնակիչները խիստ կարանտինային ռեժիմում կլինեն, նրանց արգելված է լքել բնակավայրերը։

Կարգը խախտելու համար սահմանվում է $58-117 տուգանք։ Բացառություն է միայն՝ անհապաղ բժշկական օգնության և մտերին հարազատի հուղարկավորությանը գնալը։ Չի գործի հանրային տրանսպորտը, արգելված է օգտվել նաև սեփական ավտոմեքենայից։