Պարետատան կողմից կորոնավիրուսի դեմ պայքարի պերճանքն ու թշվառությունը
Որպեսզի պարզ լինի կորոնավիրուսի այսօրվա պատկերն ու դրա դեմ պայքարի արդյունավետությունը, իմ օրինակով փորձեմ ներկայացնել հանրությանը, թե պարետատունն ինչպես է փորձում պարզել, այնուհետեւ կանխել վարակակրի եւ պոտենցիալ վարակակրի միջեւ եղած շփումը։ Այս մասին Facebook-ի իր էջում գրել է փաստաբան նորայր Նորիկյանը:
Նա, մասնավորապես, նշել է. «Ս․թ․ մայիսի 26-ին, ժամը 20։00-ի սահմաններում իմ բջջային հեռախոսահամարին ստանում եմ զանգ պարետատնից։
Բավականին քաղաքակիրթ ձեւով պարետատան աշխատակիցը հայտնում է ինձ, որ ինքս կա՛մ իմ բջջային հեռախոսով խոսել եմ վարակակրի հետ, կա՛մ որեւէ վարակակրի հետ գտնվել եմ նույն վայրում, քանի որ տեղորոշման արդյունքում իրենց մոտ այդպիսի փաստ է արձանագրվել։
Ընդունելով ի գիտություն վերը նշվածը՝ խնդրեցի հայտնել, թե ու՞մ հետ եւ ե՞րբ եմ խոսել հեռախոսով, կամ որտե՞ղ եմ գտնվել հնարավոր վարակակրի հետ, որպեսզի ինքս կարողանամ համապատասխան վարքագիծ դրսեւորել։
Ինձ հայտնեցին, որ չեն կարող տրամադրել այդպիսի տեղեկատվություն, քանի որ իմ տվյալները փոխանցվել են համաճարակաբաններին, անհրաժեշտության դեպքում իրենք կկապնվեն ինձ հետ։
Անցել է 7 օր, ես որեւէ զանգ չեմ ստացել։
Ես այդպես էլ չիմացա, թե ե՞րբ եւ ու՞մ հետ եմ խոսել, խոսե՞լ եմ, արդյոք, թե՞ ոչ, կամ ե՞րբ եւ ո՞ւմ հետ եմ գտնվել միեւնույն տեղում։
Պարո՛ն վարչապետ
Խոսում եք քաղաքացիների ծայրահեղ անպատասխանատվության դրսեւորման մասին։
Իսկ պարետատան ծայրահեղ անպատասխանատվության մասին ո՞վ պետք է խոսի։
Ինձ արդեն մեկ շաբաթ անհանգիստ վիճակում պահելու փոխարեն արդյո՞ք հնարավոր չէր տրամադրել ամբողջական տեղեկատվություն, որպեսզի ես իմանայի, թե ու՞մ հետ եմ խոսել կամ ու՞մ հետ եմ նույն վայրում գտնվել, որպեսզի դրանից հետո դրսեւորեի, ինչպես Դուք եք ասում, ծայրահեղ պատասխանատվություն եւ փորձեի ինքնապաշտպանվել։
Եթե չեք տրամադրում նման տեղեկատվություն, ինչու՞ եք մարդկանց խուճապահար անում»:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ