Արսեն Թորոսյանը Վանեցյանի առաջարկին այդպես արձագանքելու իրավունք չունի, հատկապես ինքը ու հատկապես հիմա. Հրանտ Մելիք-Շահնազարյան
Քաղաքագետ Հրանտ Մելիք-Շահնազարյանը ֆեյսբուքյան իր էջում գրառում է կատարել՝ անդրադառնալով առողջապահության նախարար Արսեն Թորոսյանի այսօրվա ասուլիսին և ֆեյսբուքյան գրառմանը, որով նա հեգնել էր ԱԱԾ նախկին տնօրեն Արթուր Վանեցյանի առաջարկը:
Հրանտ Մելիք-Շահնազարյանի գրառումն ամբողջությամբ ներկայացնում ենք ստորև.
«Առողջապահության նախարար Արսեն Թորոսյանի ասուլիսը տեսա՞ք։ Բազում հարցերի պատասխանեց նախարարը։ Ավելի ճիշտ՝ ձև արեց, թե պատասխանում է։ Թորոսյանի արհամարհական, անտակտ տոնն ամեն ինչ ասում էր հանրությանը հուզող հարցերին պատասխանելու իր տրամադրվածության մասին։ Եվ ես գիտեմ, թե ինչու է այդպես։ Մեծամիտ է։ Լրագրողներին անգրագետ է համարում, իսկ ինքը՝ աշխարհի ամենախելոքը, «գրագիտության» իր բարձունքից է խոսում նրանց հետ։
Նաև ցինիկ է։ Տեսեք, թե ոնց է արձագանքում, օրինակ, Արթուր Վանեցյանի՝ հակաճգնաժամային կառավարություն ստեղծելու առաջարկին։ Ես իհարկե չեմ ասում, որ Թորոսյանը պարտավոր է լսել ԱԱԾ նախկին տնօրենի առաջարկները, բայց նման կերպ արձագանքելու իրավունք հաստատ չունի։ Հատկապես ինքը ու հատկապես հիմա։
Բայց այդ ամենը դեռ մի կողմ դնենք, Աստված իր հետ։ Առողջապահության նախարար Արսեն Թորոսյանն այսօր պատասխանեց, վստահ եմ՝ շատերի կարծիքով ամենակարևոր հարցին։ Թե ինչու՞ է Կորոնավիրուսն այսքան մեծ տեմպերով տարածվում Հայաստանում։ Անկախ իր կամքից պատասխանեց այդ հարցին։ Որովհետև չափազանց անկազմակերպ և թափթփված է։ Բոլորիս աչքի առջև խճճվել էր մի քանի թղթերի մեջ ու ասուլիսի ողջ ընթացքում այդ թղթերն էր քրքրում։ Կարծես հնարավոր չէր նախապես որոշակի տրամաբանությամբ դասավորել ու ամրացնել դրանք որևէ արագակարում կամ թղթապանակում։
Ու հիմա, երբ արդեն շատ հստակ գիտեմ վարակի տարածման հիմնական պատճառը, նստած մտածում եմ՝ ի՞նչն է ավելի մեծ վտանգ մեր պետության և ժողովրդի համար։ Սրանց մեծամտությունը, ցինիզմը, թե՞ թափթփվածությունը»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ