Կորոնավիրուսային մեծ խառնաշփոթ եւ կեղտոտ խաղեր

Նիկոլ Փաշինյանը, որն այսօր զբաղեցնում է վարչապետի պաշտոնը, կառավարության նիստի ժամանակ հայտարարեց, թե գործերը շատ վատ են, եւ որ մեկ օրում վարակվել է 335 մարդ: Սա ոչ այլ ինչ է, եթե ոչ ժողովրդին սարսափի մեջ պահելու հերթական փորձ:

Արտակարգ դրությունը երկարացնելուց հետո, ինչ-որ տարoրինակ զուգադիպությամբ վարակվողների թիվը կտրուկ ավելացավ: Ավելին, մեկուսացան կամ ինքնամեկուսացան, վարակվեցին կառավարության անդամներ, հայտնի լրագրողներ:

Կառավարությունը պարտադիր դարձրեց դիմակի կրումը անգամ բաց տարածքներում: Նույնիսկ պարտադրում են ձեռնոց կրել: Թե որքան են մարդիկ վնասում իրենց առողջությանը, երկար ժամանակ կրելով այդ դիմակներն ու ձեռնոցները, վաղուց է հայտնի:

Հարեւան Վրաստանում, Թուրքիայում, անգամ Իտալիայում աստիճանաբար անցնում են նորմալ կյանքին: Վարակակիրներ գրեթե չկան կամ այլեւս չկան, իսկ մեզ մոտ կորոնավիրուսը շարունակում է իշխող թեման լինել: 

Ի դեպ, Փաշինյանի հայտարարությունից հետո, թե մեր գործերը վատ են, հարայ հասեք, կործանվում ենք, պաշտոնապես հայտարարվեց, որ այսօր իրականացվել է աննախադեպ շատ թեստավորում: Պարզ է, չէ, եթե որոշեն մեծ թիվ մատուցել, առավել մեծ թվով թեստավորում կանցկացնեն: Տեսականորեն կարելի է վերցնել եւ մեկ օրում ամբողջ բնակչությանը թեստավորել, հայտարարել, որ մեկ օրում վարակվել է 850 հազար մարդ եւ անցնել առաջ:

Արդեն իսկ գրեթե բոլորը հասկացել են, որ եթե այս վիրուսն իրականում կա, ապա այն բոլորովին էլ վտանգավոր չէ: Եւ այսքանից հետո այն համառությունը, որով կառավարությունը ժողովրդին սարսափեցնում է կորոնավիրուսով, մի շարք հարցեր է առաջացնում, որից գլխավորը հետեւյալն է՝ իսկ մի՞թե այս ամենի պատճառն այն չէ, որ հետո պարտադիր դարձնեն կորոնավիրուսի դեմ վակցինացիան:

Սա հարց է, որը կառավարությունը թողնում է անպատասխան: Իհարկե, հասկանալի է, որ կորոնավիրուսի հետ դաշինք կնքելով Փաշինյանը փորձում է երկարաձգել իր կառավարման օրերը, բայց այդպես էլ չհասկացավ, որ կորոնավիրուսի հետ դաշինքն ընդամենն արագացրեց իր կառավարման ավարտը: Փաշինյանն ընկավ ծուղակը, որից այլեւս չի կարող դուրս գալ:

Իսկ մինչ կորոնավիրուսային դաշինք է կնքված, Հայաստանի տնտեսությունը փլուզվում է, մարդիկ սնանկանում են, եւ այս գործընթացը դեռ երկար է շարունակվելու:

Վարդան Մխիթարյան

Top-News.am