Ջոլին վերադարձել է աշխատանքի. ինչպես է փոխվել դերասանուհու արտաքինն ամուսնալուծությունից հետո

Անջելինա Ջոլին վերադարձել է ՄԱԿ-ի բարի կամքի դեսպանի իր աշխատանքին:

Ինչպես գրում է elle.ru-ն, հունիսի 20-ին` Փախստականների համաշխարհային օրը, հոլիվուդյան դերասան Բրեդ Փիթի նախկին կինը հումանիտար առաքելությամբ ժամանել է Քենիայի մայրաքաղաք Նայրոբի, որտեղ ելույթ է ունեցել կանանց իրավունքների պաշտպանության թեմայով:

Ինչպես ընդգծում է աղբյուրը, երկրպագուների աչքից չի վրիպել այն, որ 42-ամյա դերասանուհին զգալիորեն ավելի լավ տեսք ուներ, իսկ հիվանդային նիհարությունը այնքան էլ նկատելի չէր: Գուցե Ջոլիի թարմացած և կազդուրված էր երևում առավելապես բաց գույնի կոստյումի շնորհիվ, որը փոքր-ինչ լցված տեսք է հաղորդում:

Հայտնի է, որ Անջելինա Ջոլին հաճախակի է օգտվում կոսմետոլոգիական ծառայություններից, ինչպես նաև երկու անգամ դիմել է կոսմետիկ վիրահատության` կզակի ուղղման և այդ հատվածում ճարպագնդերի հեռացման համար:

tert.am