Գործող իշխանությանն ու նրան ենթակա իրավապահներին կոչ եմ անում վերջ տալ մարդկանց իրենց հայացքների համար հետևապնդելուն
«Ազգային օրակարգ» կուսակցության համանախագահ Ավետիք Չալաբյանը ֆեյսբուքյան իր էջում հրապարակել է «Կամք» հասարակական շարժման անդամ Արթուր Ալեքսանյանի լուսանկարը, որն օրերս կալանավորվել էր ԱԺ «Իմ քայլը» խմբակցության պատգամավոր Նիկոլայ Բաղդասարյանի հետ վիճաբանելուց հետո:
Ավետիք Չալաբյանի գրառումը ներկայացնում ենք ստորև.
«Անցած շաբաթ դատարանը որոշեց երկու ամսով կալանավորել նրան, քանի որ նա վիճաբանել էր ԱԺ «Իմ քայլը» խմբակցության պատգամավոր Նիկոլայ Բաղդասարյանի հետ, նրանից հետո, երբ այդ խմբակցությունը, առանց որևէ հանրային քննարկման, առանց ընդդիմության կարծիքը հաշվի առնելու, օգտվելով արտակարգ դրության պայմաններից, վավերացրել էր վիճահարույց Լանզարոտեի կոնվենցիան։
Արթուրը ոչ միայն կալանավորվել է, այլև նրան վերագրվել է Քրեական օրենսգրքի անհեթեթ հոդված՝ «Իշխանության ներկայացուցիչի նկատմամբ բռնություն գործադրել», թեև Արթուրը չի ընդունում բռնության փաստը, իսկ պատգամավորն էլ իշխանության ներկայացուցիչ չի, այլ ժողովրդի ներկայացուցիչ (316 հոդվածը նաև հստակ սահմանում է, որ այն վերաբերվում է իշխանության մարմինների կարգադրիչ լիազորությամբ աշխտակիցներին)։ Արթուրը ընդամենը կոշտ ոճով իր անհամաձայնությունն է հայտնել պատգամավորին, դա առավելագույնս կարելի է դիտարկել որպես վարչական իրավախախտում, սակայն դրա համար մարդը չպետք է հայտնվի կալանավայրում։
Այս իշխանությունը սիրում է պատեհ-անպատեհ իրեն նույնացնել ժողովրդի հետ, կոչել իրեն «ժողովրդի իշխանություն», իրեն հասցեագրված քննադատությունը ուղղորդել ժողովրդի վրա։ Արթուրը այդ ժողովրդի իրական ներկայացուցիչ է, խիստ համեստ կենսակերպով ապրող, իր հայացքներում անսահման սկզբունքային (նույնիսկ տեղ-տեղ ծայրահեղական), դրանց համար նվիրյալ պայքարող։ Այն ընթացքում, երբ ես ճանաչել եմ իրեն, Արթուրը անզիջում պայքարել է Ստամբուլյան կոնվենցիայի վավերացման դեմ, և հետևողականորեն պաշտպանել է մեր ավանդական արժեհամակարգը նրա դեմ ուղղված (և հաճախ այս իշխանության հովհանավորությունը վայելող) տարբեր դիվերսիաներից։ Այսօր Արթուրը բանտում է միայն այդ պատճառով, և դա ծաղր է հենց մեր ավանդապաշտ ժողովրդի, մեր ավանդական արժեքների, ինչպես նաև ժողովրդավարության և իրավունքի նկատմամբ։
Ես կոչ եմ անում գործող իշխանությանը, և նրան ենթակա իրավապահներին՝ ազատ արձակել Արթուրին, և վերջ տալ մարդկանց իրենց հայացքների համար հետապնդմանը։ Եթե նույն Նիկոլայ Բաղդասարանը համոզված է իր հայացքների ճշմարտացիության մեջ, թող եթերում բանավիճի Արթուր Ալեքսանյանի հետ, և դրանում համոզի նրան և նաև ողջ հասարակությանը։ Այլապես, ոստիկանական ճնշումը վախկոտների վերջին հանգրվանն է, իսկ Արթուր Ալեքսանյանի հետևից նոր Արթուրներ կգան, և ի վերջո ոտնատակ կանեն ձեզ էլ, ձեր իշխանությունն էլ»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ