Մի փորձեք ուղղակի հնչած հայհոյանքները «գիտական» մեկնաբությամբ բացատրել, թե իբր այլ բան եք նկատի ունեցել
Սթափվեք, ձեր համարձակությունը դրսևորելու այլ հարթություն փնտրեք, առնվազն սահմանի վրա։ Այս մասին Ֆեյսբուքի իր էջում գրել է արդարադատության նախկին նախարար Գեւորգ Դանիելյանը՝ անդրադառնալով վերջին օրերին հանրային հարթակներում հնչած հայհոյանքներին ու սպառնալիքներին։
«Ես գիտեմ, որ այս օրերին իրական հանդուրժողականության և պարզապես միմյանց նկատմամբ հավատացյալ մարդուն վայել պահվածք դրսևորելու կոչերը, ցավոք, դիտարկվում են իբրև անիմաստ բարոյախրատական քարոզներ։ Ինքս ոչ միայն երբեք ինձ թույլ չեմ տվել հայհոյանքներ ու վիրավորական արտահայտություններ, այլև բազմիցս կոչ եմ արել հրաժարվել այդպիսի պահվածքից։ Թող որ շատերը հենց այս կեցվածքն ընկալեն՝ իբրև թուլության նշան, ուժեղ երևալու տղայական զգացումն ինձ խորթ է, ես լավ գիտեմ երբ և ինչպես են ուժը ցույց տալիս», գրել է Գեւորգ Դանիելյանը։
Արդարադատության նախկին նախարարի խոսքով՝ առավելապես ուժեղ է նա, ով ունակ է ներել, հաշտվել, ոչ թե անվերջ վրեժխնդրությամբ տառապել։
«Մի ուշադրություն դարձրեք, թե ով է պատժվում կամ խրախուսվում իր անվայել պահվածքի համար (դա վհատվելու առիթ չէ), յուրաքանչյուրս պատասխանատու է իր արարքների համար և Աստծո առջև։ Կարծում եմ, բոլոր կողմերն էլ լիարժեք հասկացել են, որ բումերանգի օրենքը գործում է անխափան, և պահն է դադար առնել, էլ ավելի չխորացնել պառակտումները։
Ավագի իրավունքով մեկ անգամ ևս խնդրում եմ՝ սթափվեք, ձեր համարձակությունը դրսևորելու այլ հարթություն փնտրեք (առնվազն սահմանի վրա), հավատացեք՝ այս երևույթն արդեն սպառնում է վերածվելու ԱԶԳԱՅԻՆ ԱՂԵՏԻ, սա արդեն հիրավի ազգային անվտանգության խնդիր է»։
Ցանկացած բանավեճում, գրել է Գեւորգ Դանիելյանը, կարելի է հակափաստարկ գտնել, արտահայտվել, իսկ եթե չի հաջողվում, դժվար չէ ներողություն խնդրել կամ պարզապես դադարեցնել։
«Բանական մարդը վստահում է փաստարկներին, ոչ թե ճարտասանությամբ ուղեկցվող նվաստացման նկրտումներին։ Եվ մի փորձեք ուղղակի հնչած հայհոյանքները «գիտական» մեկնաբությամբ բացատրել, թե իբրև այլ բան եք նկատի ունեցել, դա այնքան էլ հանճարեղ միտք չէ», գրել է Գեւորգ Դանիելյանը եւ մաղթել․ «Աստված մեր ազգին պահապան... »։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում