Արդյոք լեգիտի՞մ է գործող կառավարությունը. Ստեփան Դանիելյանի գրառումը
ԱԺ մեծամասնությունն եւ իրենց կողմից ընտրված վարչապետը սկսել են պատեհ ու անպատեհ առիթներով կրկնել, որ իրենք լեգիտիմ իշխանություն են ու ունեն հանրության վստահությունը։ Այս մասին Facebook-ի իր էջում գրել է քաղաքական վերլուծաբան Միքայել Դանիեծյանը:
Նա, մասնավորապես, նշել է. «Շատերն այդ հայտարարություններին լուրջ են վերաբերվում, որովհետեւ չգիտեն «լեգիտիմ» ու «օրինական» եզրերի տարբերությունը։ Դա նաեւ վարչապետին ու ԱԺ մեծամասնության անդամներին է վերաբերվում։
Մի կողմ թողնենք անհարկի նման պնդումների հագեբանական պատճառները, այլ հասկանանք «լեգիտիմ» ու «օրինական» հասկացությունների տարբերությունը։
Այս իշխանությունն իրոք օրինական է, որովհետեւ ոչ ոք կասկածի տակ չի դրել ընտրությունների օրինական լինելը, սակայն «լեգիտիմ» լինելն բոլորովին այլ բան է նշանակում ու այստեղ հարցեր կան։
Օրինակ, ոչ օրինական իշխանությունը կարող է որոշ ժամանակ անց իրեն այնպես դրսեւորել, որ ժողովրդի մեծամասնությունը սկսի կառավարությանը հավանություն տալ, այսինքն այդ իշխանությունն ունենա բարձր լեգիտիմության աստիճան, եւ հակառակը, օրինական իշխանությունը կարող է իրեն այնպես վատ դրսեւորել, որ որոշ ժամանակ անց հանրության մեծամասնությունը հիասթափվի ու այլեւս չվստահի, այսինքն այդ իշխանության լեգիտիմության աստիճանը դառնա շատ ցածր։
"Լեգիտիմությունը" հարափոփոխ հասկացություն է եւ կախված նրանից, թե կոնկրետ այդ պահին իշխանության ռեյտինգն որքան է, դրանով էլ որոշվում է տվյալ պահին իշխանության լեգիտիմության աստիճանը։ Պարզ ասած, լեգիտիմության աստիճանը տվյալ պահին տվյալ իշխանությանը վստահողների քանակից է կախված։
Անենք հետեւություն, գործող իշխանությունն օրինական է, սակայն նրա լեգիտիմության աստիճանը կորոշվի ՍԴ հանրաքվեի ժամանակ։ Եթե հանրաքվեին Ոչ ասվի, ապա գործող կառավարությունն ունի ցածր լոգիտիմության աստիճան ու պետք է հեռանա, եւ՝ հակառակը։
Դա ուղիղ ժողովրդավարության ուղիղ դրսեւորում կլինի, ինչպես նաեւ պառլամենտական կառավարմանը բնորոշ իրադարձություն։ Եթե հանրաքվեն չեղարկվի, դա կնշանակի, որ գործող իշխանությունը խույս է տալիս ժողովրդի վստահության աստիճանին առերեսվելու հնարավարությունից։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Հանրությանը մոլորեցնելու նպատակ ունեցող ապատեղեկատվություն
Իրանական պատվիրակությունը Դոհայում բանակցություններ է վարել Կատարի միջնորդների հետ