Մենք խիզախ հայ կանանց այնպիսի պատմություններ ունենք. Ռազմիկ Դավոյանի կոչը՝ Աննա Դանիբեկյանին
Եթե ուզում են Շուշիի ազատագրման տոնի կապակցությամբ հայ ժողովրդին նվեր անել, ուրեմն թող ազատեն ՀՀ երկրորդ նախագահ Ռոբերտ Քոչարյանին։ Այս մասին NEWS.am-ի հետ զրույցում ասաց բանաստեղծ, հրապարակախոս Ռազմիկ Դավոյանը:
Նշենք, որ մայիսի 8-ին նշանակվել է Ռոբերտ Քոչարյանի գործով երկար սպասված դատական նիստը։ Այդ օրը պետք է քննվի նրա խափանման միջոցի փոփոխման միջնորդությունը։
«Բոլորին է հայտնի, որ Ռոբերտ Քոչարյանի դատավարության ընթացքում միտումնավոր շատ բան են արել։ Եթե ուզում են Շուշիի ազատագրման տոնի կապակցությամբ հայ ժողովրդին նվեր անել, ուրեմն թող ազատեն ՀՀ երկրորդ նախագահ Ռոբերտ Քոչարյանին, դա կլինի աներեւակայելի հոյակապ որոշում, դա կլիներ մարդկություն, հայություն, արդարադատություն։ Բայց ի՞նչ իմանանք, անկանխատեսելի քայլերի են իրենք դիմում։ Հույս ունեմ, որ կազատեն»,- ասաց Ռազմիկ Դավոյանը։
Ռազմիկ Դավոյանի կարծիքով՝ դատավոր Աննա Դանիբեկյանին կարող է կաշկանդել այն հանգամանքը, որ նախորդ անգամ, երբ դատարանը որոշեց փոխել Քոչարյանի խափանման միջոցը, վարչապետ Նիկոլ Փաշինյանը արգելափակեց դատարանների մուտքերը, դատավոր Դավիթ Գրիգորյանի նկատմամբ սկսվեց քրեական հետապնդում։
«Եթե Դանիբեկյանը պատրաստ է Կառավարության ամբողջ հանցակազմը վերցնել իր վրա, ապա կարող է իրենց օգտին որոշում կայացնել ու միանալ այդ հանցախմբին։ Ենթադրություններ այս դեպքում անհնար է անել, որովհետեւ անկանխատեսելի ժամանակներում ենք ապրում։
Աներեւակայելի բաներ են կատարվել, եթե Աստված ինձ մի փոքր էլ կյանք տա եւ ես կարողանամ այդ բոլորը հանձնել ապագա սերունդներին, չեմ կարծում, թե իրենք կարող են հիացմունքի արժանանալ»,– ասաց նա։
Ռազմիկ Դավոյանը դատավոր Դանիբեկյանին կոչ արեց ընտրել արդարադատությունը։
«Որպես մտավորական իմ կոչն է Աննա Դանիբեկյանին. հարգելի տիկին, ուրիշների հանցանքն ինչո՞ւ եք ձեզ վրա վերցնում։ Մենք խիզախ հայ կանանց այնպիսի պատմություններ ունենք. Արցախի ազատագրման օրերին աչքովս եմ տեսել հրաշալի խիզախ կանանց։ Վերջիվերջո, դուք արադարության հետ պետք է չլինե՞ք։ Կոչս է՝ եղեք արդարության ու հայ ժողովրդի հետ։ Ձեզ ձեր մտավորականն է ասում»։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Օլեշկիից տարհանված ուկրաինացիները Ուկրաինայում են
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում