Ուղղակի գոյատեւում ենք, չունենք կացարան, աշխատանք. Աբխազիայում գտնվող ՀՀ 7 քաղաքացիները չեն կարողանում վերադառնալ

Աբխազիայի հանրապետությունում գնվող Հայաստանի 7 քաղաքացիներ չեն կարողանում վերադառնալ հայրենիք: NEWS.am-ի խմբագրություն ահազանգած քաղաքացիների խոսքով` իրենք այնտեղ չեն աշխատում եւ ուղղակի զրկվել են գոյատեւելու միջոցներից:

«Երեք ամիս առաջ ես և ընկերներս եկանք Աբխազիայի Հանրապետություն աշխատելու շինարարությունում: Սկզբից լավ էր, հետո կորոնավիրուսի պատճառով շինարարությունը պասիվացավ փակեցին անցակետերը։ Ելնելով իրավիճակից դիմեցինք արտաքին գործերի նախարություն, պատասխանեցին, թե պետք է դիմենք Սոչիի դեսպանատուն դիմեցինք, պատմեցինք ոչ մի արձագանք, սպասեցինք, անցավ մեկ ամիս արտգործնախարարությունը պատասխանեց, որ մեջբերում եմ` «Բարև Ձեզ, աշխատում ենք այդ ուղղությամբ, արդյունք լինի ձեզ կհայտնենք»: Իսկ դեսպանատունը պատասխանեց, մեջբերում եմ` «Ռուսաստանի սահմանները օտարերկրացիների համար փակ է դեռևս: Դուք գտնվում եք մի այնպիսի երկրում, որի հետ Հայաստանի Հանրապետությունը չունի դիվանագիտական հարաբերություններ (դուք դա իմանալով եք գնացել): Դեսպանությունը հավատարմագրված է միայն ՌԴ տրածքում: Տվյալ դեպքում Աբխազիայում կարող եք օգնություն ակնկալել միայն հայ համայնքից»»,- պատմեց Աբխազիայում գտնվող :Արշակ Քոչինյանը:

Նա ասաց, որ այս պահին շատ վատ վիճակում են գտնվում եւ ուղղակի չգիտեն` ինչպես վերադառնան Հայաստան:

«Այս պահին ուղղակի գոյատեւում ենք նույնիսկ չունենք կացարան աշխատանք:. Լսել եմ, որ Ռուսաստանում դեսպանը աշխատանք է առաջարկում ցանկացողներին: Գոնե օգնեն գնանք Ռուսաստան, այնտեղ բոլորս էլ հարազատներ ունենք և կօգտվենք այդ հնարավորությունից եւ աշխատանքի կտեղավորվենք»,- հավելեց նա: