«Իմ քայլը» մերժեց սահմանադրական կարգի տապալման համար վաղեմության ժամկետ չճանաչելու մասին նախագիծը
Ազգային ժողովի «Բարգավաճ Հայաստան» խմբակցության պատգամավոր Գևորգ Պետրոսյանը ներկայացրել է «ՀՀ Քրեական օրենսգրքում փոփոխություն կատարելու մասին» նախագիծ, որով առաջարկել է Քրեական օրենսգրքում ավելացնել Սահմանադրական կարգի տապալում հոդվածն այն հոդվածների կողքին, որոնց համար վաղեմության ժամկետ չի կիրառվում:
Նախագծի հեղինակը՝ պատգամավոր Պետրոսյանը, փոխանցեց, որ կառավարությունը բացասական եզրակացություն է տվել իր նախագծին՝ հիմնավորելով, որ, եթե նման կարգ սահմանվի, ապա իրավապահ մարմինները չեն կարողանա արդյունավետ քննություն իրականացնել, քանի որ ժամանակի հետ ապացույցները կորցնում են իրենց ապացուցողականությունը, մոռացվում և աղավաղվում է վկաներին հայտնի տեղեկատվությունը:
«Կներե՛ք, էս գործող Քրեական օրենսգրքի 75-րդ հոդվածում կա 11 դեպք՝ գենոցիդ, էկոցիդ, խոշտանգում և այլն: Այսինքն՝ էս բոլոր դեպքերում ժամանակն ու տարածությունը որքան անցնում են, ապացույցները երիտասարդանում են, փարթամանում են, ծաղկում են, մի հատ էլ ծիկ են անում, ու երբ բանը հասավ սահմանադրական կարգի տապալմանը, ոչնչանում ու մոռացվում են»,- ասաց Գևորգ Պետրոսյանը՝ նշելով, որ սահմանադրական կարգի տապալումը հանրորեն մեծ վտանգավորություն ներկայացնող արարք է:
Նախագիծը լիագումար նիստերի օրակարգում չընդգրկվեց 82 դեմ, 32 կողմ ձայների հարաբերակցությամբ:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար