Իրանը մասնակիորեն մեղմացնում է կարանտինային սահմանափակումները
Այսօրվանից Իրանը մասնակիորեն մեղմացնում է կորոնավիրուսի համաճարակի պատճառով սահմանված կարանտինային միջոցառումները: Իսլամական հանրապետության կառավարության որոշմամբ՝ երկրի տարածքը ըստ համաճարակի տարածման աստիճանի բաժանվել է երեք գոտիների` սպիտակ, դեղին և կարմիր: Այն բնակավայրերում, որոնք կորոնավիրուսից ազատ գոտիներ են հռչակվել, կյանքն առաջիկայում պետք է բնականոն հունի մեջ մտնի: Դրա հետ մեկտեղ, Իրանի նախագահ Հասան Ռոհանին նշում է, որ համաճարակի տարածումը երկրում վերջնականապես հաղթահարել դեռ չի հաջողվել:
«Այս պահին ևս մենք պետք է պատրաստ լինենք, որ առջևում բավական դժվարին օրեր են լինելու: Մենք, իհարկե, սկսել ենք աստիճանաբար վերագործարկել տնտեսությունը, վերաբացել մի շարք առևտրի կենտրոններ: Այսօր մենք որոշել ենք նման քայլի գնալ երկրի 132 բնակավայրերում, որոնք «սպիտակ գոտիներ» են ճանաչվել և որտեղ վարակի տարածման ռիսկը նվազագույնն է: Երկուշաբթի օրվանից վերաբացվում են մզկիթները, այս շաբաթ վերսկսվելու են նաև ուրբաթօրյա աղոթքները: Ցածր ռիսկայնության գոտիներում վերաբացվելու են նաև դպրոցները: Այնտեղ դասերը կշարունակվեն մեկ ամիս` մինչև ավարտական քննությունները», - հայտարարում էր Հասան Ռոհանին:
Պաշտոնական տեղեկատվության համաձայն՝ Իրանում կորոնավիրուսով վարակվածների ընդհանուր թիվը 97 հազար է, 6 հազար 200 մարդ մահացել է:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Ինչպիսի եղանակ է սպասվում այսօր
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը