Գիտնականները հայտնել են մենության դեմ պայքարի միջոցը

Մենությունից մարդիկ եսակենտրոն են դառնում, որն էլ իր հերթին երկարաձգում է մենությունը, պարզել են ամերիկացի գիտնականները, հայտնում է Live Science-ը ։

Հետազոտության ընթացքում գիտնականները վերլուծել են տեղեկություններ Չիկագոյի 50-68 տարեկան 230 բնակիչների մասին։ Փորձի մասնակիցները լրացրել են հարցաթերթիկներ, որոնք թույլ են տվել պարզել նրանց մենության ու եսակենտրոնության միջեւ կապը։ Հետազոտությունը տեւել է 2002-2013 թթ ։

Պարզվել է, որ եթե մեկ տարվա ընթացքում մարդն իրեն մենակ է զգացել, ապա հաջորդ տարի նրա եսակենտրոնության մակարդակը զգալիորեն բարձրացել է։ Բացահայտվել է նաեւ մեկ այլ կապ՝ չնայած ոչ այդքան արտահայտված՝ եսակենտրոնության բարձր մակարդակի դեպքում մարդը ամենայն հավանականությամբ հաջորդ տարին էլ է մենակ մնում։

Չիկագոյի համալսարանի Մտավոր ու սոցիալական նեյրոկենսաբանության կենտրոնի գիտնականները այդ երեւույթը բացատրում են էվոլյուցիայով։ Մենությունն այդ իմաստով վտանգավոր է մարդու համար՝ նա չի ստանում օգնություն ու պաշտպանություն իր ցեղակիցներից; Դրա համար էլ եսակենտրոնությունը բարձրացնում է գոյատեւման շանսերը։

Դրա համար էլ, ըստ հետազոտողների, մենությունից ազատվելու համար պետք է նվազ եսասեր լինել։ Հնարավոր է պետք է ավելի շատ ուշադրություն ու հոգատարություն դրսեւորել մյուսների նկատմամբ ու այդ դեպքում արատավոր շրջանը կխզվի, հայտնում է «Մոյա պլանետան»։

 NEWS.am