Մանկական սննդամթերքի 20 տոկոսում արճիճ է հայտնաբերվել

Environmental Defense Fund-ի մասնագետները մանկական սննդամթերքի 20 տոկոսում արճիճ են հայտնաբերել: Այս թունավոր մետաղը մասնավորապես հայտնաբերվել է մանկական հյութերում, բանջարեղենային խյուսում եւ այն երեխաների համար նախատեսված կարկանդակում, որոնք ատամ են հանում:

Մասնագետները ստուգել են մանկական սնունդի ընդամենը 2164 նմուշ: Անցյալում արճիճ էր հայտնաբերվել ներկերում եւ աղտոտված խմելու ջրում, իսկ հիմա մասնագետները որոշել են ստուգել մանկական սննդամթերքը, քանի որ երեխայի օրգանիզմում արճիճի հայտնվելը կարող է զարգացման լուրջ խնդիրներ առաջացնել:

Մասնագետների հաշվետվության մեջ չի նշվում, թե հատկապես որ ընկերությունների արտադրանքն են ստուգել: Արճիճի պարունակությունը, որը հայտնաբերվել է յուրաքանչյուր հինգերորդ նմուշում, մեծ չի եղել, այդուհանդերձ, հայտնի չէ, թե սննդամթերքում արճիճի որ քանակն է երեխաների համար անվտանգ, ուստի արճիճի ցանկացած քանակ անցանկալի է:

University Hospitals Rainbow Babies-ի եւ Children's Hospital in Cleveland-ի մանկաբույժ Ափարնա Բոուլի մեկնաբանությամբ, որը հետազոտությանը չի մասնակցել, արճիճն իսկապես կարող է վտանգավոր լինել երեխաների զարգացման համար, հատկապես եթե նրանք վաղ հասակում են ենթարկվում դրա ազդեցությանը, երբ նրանց օրգանիզմն ավելի խոցելի է: Երեխաների մոտ նեյրոկոգնիտիվ խնդիրներ կարող են առաջանալ նույնիսկ արճիճի աննշան քանակի ազդեցությամբ: Դրանից բացի, արճիճի հետեւանքով երեխայի մոտ կարող են առաջանալ ուշադրության եւ վարքի, կոգնիտիվ զարգացման, սիրտ-անոթային եւ իմունային համակարգերի խնդիրներ:

NEWS.am Medicine