Դուք հաճախ անհարկի ձեր մատնահետքերն եք թողնում դեպքի վայրում. Գեւորգ Դանիելյան
Երբ վերլուծում ենք Գավառի մարզի աննախադեպ միջադեպը, փորձում ենք դարձյալ ղեկավարվել կամ քաղաքական շահերով կամ մակերեսային, սահմանափակ ստանդարտներով, մեղավոր համարելով կամ արդարացնելով սոսկ առանձին պաշտոնյաների՝ առանցքում պահելով կոնկրետ իրավիճակի սոսկ տեսանելի հանգամանքները՝ ով որտեղ է եղել, ինչ կարող էր անել եւ այլն։ Այս մասին Facebook-ի իր էջում գրել է արդարադատության նախկին նախարար Գեւորգ Դանիելյանը:
Նա, մասնվորապես, նշել է. «Հարգելիներս, խնդրում եմ քաղաքական ենթատեքստով ղեկավարվելիս, ուղղակի զերծ մնալ այնպիսի իրավիճակների վերլուծությունից, որոնք մասնագիտական եւ անաչառ խորը վերլուծություն են պահանջում։
Գոնե նկատի ունեցեք, որ դուք դատողություններ եք անում ընդամենը երեւացող, բայց ոչ էական հանգամանքների մասին, իսկ այդպիսի իրավիճակներում, արհեստավարժության մասին կարող ենք դատողություններ անել, օրինակ հետեւյալ հարցադրումներով՝ միջադեպին նախորդող իրավիճակի վերաբերյալ ի՞նչ տեղեկատվություն է ստացվել եւ արդյո՞ք այդ տեղեկատվությունը եղել է որակյալ, որքանո՞վ է համարժեք եղել օպերատիվ արձագանքը, ովքե՞ր են միջադեպի առնչությամբ տարածաշրջանում «եղանակ» ստեղծում, եւ ինչն է դրան նպաստում, ի՞նչ կանխարգելիչ միջոցառումներ են իրականացվել, չկա՞ն տարածքում իրական ազդեցություն ունեցող եւ պատիժը կրելուց վաղաժամկետ ազատ արձակվածներ, դեպքի օրը հնարավոր չի՞ եղել հաշվարկել հավանական զարգացումները, հնարավոր չի՞ եղել կանխատեսել, թե որտեղ պետք է կենտրոնացվեին ուժերը՝ դեպքի վայրո՞ւմ, թե՝ հիվանդանոցում, վերջապես քրեաբանները եւ հոգեբանները պետք է հուշեն իրավապահ մարմիններին, թե ինչպիսի հասարակական երեւույթներ են հանգեցնում այսպիսի մթնոլորտի ձեւավորմանը եւ այլն։
Միայն նմանաբնույթ հարցերի պատասխանները կարող են հիմնավորված եզրակացությունների տեղիք տալ։
Հ.Գ. Առաջարկում եմ, խնդրում եմ վերջ տալ դեպքի վայր զանգվածային այցելություններին (դա տեսարժան հուշակոթող չէ), դուք ոչ միայն խանգարում եք քննիչներին ու կրիմինալիստներին, որոնք հաճախ անհարմար են զգում ձեզ այդ մասին ասել, զգուշացնել, այլեւ խոչընդոտում եք թարմ հետքերը, գործի համար նշանակություն ունեցող ապացույցները ձեռք բերելուն ու ամրագրելուն։ Դուք հաճախ անհարկի ձեր մատնահետքերն եք թողնում դեպքի վայրում, որից հետո անասելի ու անիմաստ դժվարանում է մասնագետների աշխատանքը
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում