Լավրովը դեռ սպասում է պատասխանի այն մասին, որ Նիկոլը սուտ է խոսել. Աղասի Ենոքյան

Նիկոլի մամուլի քարտուղարը վրա-վրա հայտարարություններ է անում Միքայել Մինասյանի, օիլգարխիկ ռեժիմի, կաշառակերների ու հանցագործների մասին, բայց Նիկոլի իշխանությունը 2 տարվա մեջ գեթ մեկ կոռուպցիոն գործ չի բացահայտել, որը դատարանը կհաստատեր։ Այս մասին այսօր՝ ապրիլի 29–ին, ֆեյսբուքյան իր էջում գրում է քաղաքագետ Աղասի Ենոքյանը։ Նա մասնավորապես նշել է.

«Համառոտ հիշենք ինչ է կատարվել վերջին 2 օրվա ընթացքում․

- Լավրովը դեռ սպասում է պատասխանի այն մասին, որ Նիկոլը սուտ է խոսել ղարաբաղյան կարգավորման եւ հայ-ռուսական հարաբերությունների մասին

- Հազարավոր քաղաքացիներ հոսանքազրկվել են

- Գավառում տեղի է ունեցել իրական ճակատամարտ, կա 4 զոհ, եւ այդ ամենը՝ ոստիկանապետի ներկայությամբ

- Ucom-ի բաժնետերերը հայտարարել են, որ իշխանությունները ցանկանում են իրենցից խլել բիզնեսը

Իշխանությունների արձագանքը

- Լավրովին պատասխան չկա՝ այսինքն Նիկոլը ընդունում է որ սուտ է խոսել

- Կոմունալների մասին Նիկոլը հայտարարեց, թե՝ էհ, ասել է որ կարելի է չմուծել, բայց հո չի երդվել, այսինքն ընդունեց, որ սուտ է խոսել

- ԱԺ-ում երկու պատգամավոր քֆուր-շոու են բեմադրում դատարկ տեղը

- Նիկոլի մամուլի քարտուղարը վրա-վրա հայտարարություններ է անում Միքայել Մինասյանի, օիլգարխիկ ռեժիմի, կաշառակերների ու հանցագործների մասին, բայց Նիկոլի իշխանությունը 2 տարվա մեջ գեթ մեկ կոռուպցիոն գործ չի բացահայտել, որը դատարանը կհաստատեր։

Այսինքն, իշխանությունը բացարձակ անհաղորդ է երկրի խնդիրներին, ադեկվատ արձագանք չի տալիս հանրապետության զարգացումներին, անընդհատ սուտ է խոսում, այս կրիտիկական վիճակում զբաղված է զրպարտությունների եւ շոուների միջոցով կեղծ օրակարգեր ներմուծելով»։