«Ազվերինից եք խոսում, սաղից բեթար ազվերին եք անում». Ալեն Սիմոնյանը՝ Արման Աբովյանին

Մոտս տպավորություն է, ոնց որ ազվերին են ցփնել այստեղ, ու սաղ գժված ինչ որ բաներ են խոսում։ Այս ամսին այսօր՝ ապրիլի 28–ին, ԱԺ–ամբիոնից հայտարարեց «Բարգավաճ Հայաստան» խմբակցության պատգամովր Արման Աբովյանը։

«Ես այն խմբակցությունից եմ, որը շատ է հարգում կին եւ տղամարդ տարբերությունը, դրա համար ինձ կպահեմ շատ կոռեկտ։ Տիկին Նազարյան, երբ խոսում եք «Արարատցեմենտ»–ի մասին, ինձ մոտ տպավորություն է, որ ուզում եք ներքաշել ինչ որ բաների մեջ, ինչ–որ խոսակցություններ, խաղեր։ Իրավական երկիր է Հայաստանը, ունե՞ք ապացույց, դիմեք դատարան։ Նույն ջանասիրությամբ կես միլիոն մարդկանց մասին մտածեք, որ այսօր անգործ են»,– ասաց պատգամավորը։

Աբովյանն անդրադարձավ նաեւ «ԲՀԿ»–ի կողմից բնակչությանը բաժանվող սննդի վերաբերյալ խոսակցություններին. «Որ ասում եք՝ 3000 դրամ արժե բարերարի տոպրակը, ձեր գործառույթը նա է, որ այնպես աշխատեք, որ մարդիկ չունենան այդ 3000, 5000 կամ 10 հազար դրամանոց տոպրակների կարիքը, կամ որտեղի՞ց այդ թիվը ձեզ, դրան էլ կանդրադառնամ»։

Պատգամավորը բորբոքվելով տոնը բարձրացրեց, ինչին միջամտեց ԱԺ փոխխոսնակ Ալեն Սիմոնյանը. «Ազվերինից եք խոսում, սաղից բեթար ազվերին եք անում, վերջացել է ձեր ժամանակը»։