КП. Ինչու են Հայաստանի նախկին նախագահին հինգ հարյուր օր առանց դատի պահում անազատության մեջ

Երբ 2018-ին Հայաստանը գլխավորեց Նիկոլ Փաշինյանը, որը մի քանի տարի բանտում էր՝ 2008-ի մարտին զանգվածային անկարգություններ կազմակերպելու համար, «քաղաքական թշնամիների» թիրախավորումն իրականացրեց շատ արագ: 

«Նոր արդարադատության» մամլիչի տակ հայտնվեց Ռոբերտ Քոչարյանը: Նա ղեկավարեց Հայաստանը ամենաբարդ տարիներին` 90-ականների եւ 2000-ականների հանգրվանում: Առանց դատավարության նրան հայտարարեցին մեղավոր 2008թ. մարտի մեկին տեղի ունեցած իրադարձությունների համար:  

Անշուշտ, Քոչարյանը, որպես պետության այն ժամանակվա ղեկավար պարտավոր էր  արտակարգ իրավիճակ մտցնել, որպեսզի կանխեր «արեւմտյան խորհրդականների» կողմից գրգռված ամբոխի կողմից սահմանադրական կարգի տապալումը, ինչպես նաեւ թույլ չտար հայկական Մայդանին տալ ավերածությունների ալիքի մեկնարկը: Իսկ այդ ալիքն անխուսափելի էր լինելու «ապստամբների» հաղթանակից հետո: Երկրորդ նախագահի օրինական գործողությունները՝ արտակարգ դրություն մտցնելը թույլ տվեցին խուսափել ավելի մեծ արյունահեղությունից:

Արդեն 2008-ի ապրիլին, նախագահության ժամկետի ավարտից հետո, Քոչարյանը թողեց իր պաշտոնը: Իսկ մարտյան անկարգությունների հրահրողները, որոնց թվում հայտնվեց նաեւ ապագահ վարչապետ Փաշինյանը, դատապարտվեցին պետական հեղաշրջման փորձի եւ մարդկանց պատճառած վնասների համար:

Եւ ահա անցավ տասը տարի եւ արդեն Փաշինյանի օրոք Քոչարյանին ձերբակալում են ... սահմանադրական կարգը տապալելու փարձի համար: Մեղադրանքի անհեթեթության վրա ուշադրություն դարձրին Ռուսաստանում: Մասնավորապես Ռուսաստանի արտգործնախարարությունում: ՌԴ նախագահ Վլադիմիր Պուտինն իր նախկին գործընկերոջը բարոյական աջակցություն հայտնեց՝ Երեւանում հանդիպելով Քոչարյանի ընտանիքի հետ: Ռուսաստանյան կողմը մի քանի անգամ շեշտել է, որ Հայաստանի երկրորդ նախագահի գործը ոչ թե քրեական, այլ քաղաքական բնույթ է կրում: Այս մասին է վկայում նաեւ հետեւյալ փաստը. այս աղմկոտ գործի մոտ ինը հարյուր վկաներից եւ ոչ մեկը չի հաստատել մեղադրող կողմի վարկածը, թե Քոչարյանը հրամայել է կրակել մարդկանց վրա: Ընդհակառակը, գոյություն ունեն տեսագրություններ, որոնք վկայում են, որ ոստիկանների վրա կրակ է բացվել «բողոքողների» կողմից:

Արդյունքն այսպիսին է՝ Հայաստանի նախկին նախագահն արդեն հինգ հարյուր օր է անցկացրել անազատության մեջ, որտեղ կարող է նշել նաեւ իր 66-ամյակը: Սա այն դեպքում, երբ հեղինակավոր հայ քաղաքական գործիչները ստեղծել են Ռոբերտ Քոչարյանի աջակցության կոմիտե: Հայաստանի հնագույն կուսակցությունը՝ Դաշնակցությունը նրա կալանավորումը համարում է անընդունելի, իսկ Ամենայն հայոց կաթողիկոս Գարեգին Երկրորդը կոչ է արել ազատ արձակել երկրի նախկին նախագահին:

Չօգնեց նաեւ ՄԱԿ-ի եւ ԱՄՀ-ի կոչը բոլոր երկրների ղեկավարներին՝ բանտերից եւ կալանքից ազատել ռիսկի խմբում գտնվող վաթսունն անց բանտարկյալներին:    

Թվում է, թե Հայաստանի ներկա իշխանությունները կարծում են, թե վրեժը ճաշատեսակ է, որը մատուցում են սառը վիճակում:

«Կոմսոմոլսկայա պրավդա»