Անհրաժեշտ է ուժերի ու անհատների համախմբումը՝ մշակելու ՀՀ դատաիրավական բարեփոխումների նոր հայեցակարգ. «Իրավական ուղի» հկ
«Իրավական ուղի» հասարակական կազմակերպությունը հայտարարում է ոլորտային նոր հայեցակարգի մշակման աշխատանքներ սկսելու նախաձեռնության մասին։ Այդ նպատակով անհրաժեշտ ենք համարում համապատասխան գիտելիքներ, փորձառություն, արժեքաբանություն եւ կամք ունեցող բոլոր ուժերի ու անհատների համախմբումը՝ մշակելու Հայաստանի Հանրապետության դատաիրավական բարեփոխումների նոր հայեցակարգ։ Այս մասին հայտարարություն է տարածել «Իրավական ուղի» հկ-ն։
Հայտարարության մեջ, մասնավորապես, ասվում է.
«Մեր ինքնիշխան պետականության արդյունավետության ու հեղինակության նվաճման առաջնային ուղղություններից մեկը իրավական արդարության երաշխավորումն է՝ դատաիրավական համակարգը գործուն, պրոֆեսիոնալ, անկախ, վստահելի դարձնելու միջոցով։
Դա մի ճանապարհ է, որն ունեցել է սկիզբ, բայց չունի ավարտ։
Այդ նպատակին են միտված եղել դեռեւս 1990-ականների կեսերից սկիզբ առած դատաիրավական բարեփոխումները, որոնք չնայած շոշափելի արդյունքներին՝ այդպես էլ մեր հանրության կողմից չեն ընկալվել որպես որակական ու բավարար։
Անդրադառնալով դատաիրավական ոլորտում ՀՀ ներկա իշխանությունների որդեգրած կուրսին, կարող ենք արձանագրել, որ այն չի կրում հայեցակարգային կուռ հենքի վրա համակարգն ավելի ֆունկցիոնալ, ավելի պրոֆեսիոնալ, ավելի անկախ ու ավելի վստահելի դարձնելու բնույթ։ Ընդ որում, դա պայմանավորված է ինչպես կեղծ, ամուլ իրավաքաղաքական արժեքաբանությամբ, այնպես էլ խիստ անբավարար պրոֆեսիոնալիզմով, որոնք յուրովի մարմնավորում են ստացել ինչպես համապատասխան իրավական փաստաթղթերում, այնպես էլ քաղաքական պատասխանատուների վարքագծում ու հայտարարություններում։
Հաշվի առնելով վերոգրյալը՝ «Իրավական ուղի» հասարակական կազմակերպությունը հայտարարում է ոլորտային նոր հայեցակարգի մշակման աշխատանքներ սկսելու նախաձեռնության մասին։ Այդ նպատակով անհրաժեշտ ենք համարում համապատասխան գիտելիքներ, փորձառություն, արժեքաբանություն եւ կամք ունեցող բոլոր ուժերի ու անհատների համախմբումը՝ մշակելու Հայաստանի Հանրապետության դատաիրավական բարեփոխումների նոր հայեցակարգ»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում