Արցախում ավարտվեցին նախագահի երկրորդ փուլի ընտրությունները

Արցախի Հանրապետությունում ժամը 20:00-ին ավարտվեցին Հանրապետության նախագահի երկրորդ փուլի ընտրությունները: Փակվեցին 281 ընտրական տեղամասերը, այդ թվում՝ Երևան 1 տեղամասը՝ ՀՀ-ում: Քվեարկությունն ավարտված է:

Հիշեցնենք, որ այսօր անցկացվում են Հանրապետության նախագահի երկրորդ փուլի ընտրությունները: Համաձայն ԱՀ ոստիկանության տրամադրած տվյալների` քվեարկությանը մասնակցելու իրավունք ունի 103 637 ընտրող:

Հանրապետության նախագահի երկրորդ ընտրություններին մասնակցում է ս.թ. մարտի 31-ին անցկացված նախագահական ընտրություններում ընտրողների առավելագույն կողմ ձայներ ստացած 2 թեկնածու:

Ընտրությունները դիտարկել և լուսաբանել են 450-ից ավելի տեղական և միջազգային դիտորդներ և ԶԼՄ 130 ներկայացուցիչներ:

Հիշեցնենք, որ ԱՀ նախագահի ընտրությունների երկրորդ փուլին մասնակցում են Արայիկ Հարությունյանը, որն առաջին փուլում ստացել էր ընտրության մասնակիցների քվեների 49,26 տոկոսը, եւ ԱՀ արտգործնախարար Մասիս Մայիլյանը (26,4 տոկոս), եւ անցել 2-րդ փուլ։