Րաֆֆի Հովհաննիսյանը կամ կմիանա Օսկանյան-Օհանյան կամ «Ելք» դաշինքին

«Ժառանգություն» կուսակցության նախագահ Րաֆֆի Հովհաննիսյանը կմասնակցի խորհրդարանական ընտրություններին: Այս մասին այսօր՝ փետրվարի 4-ին, լրագրողների հետ զրույցում ասել է կուսակցության փոխնախագահ Արմեն Մարտիրոսյանը՝ այլ մանրամասներ չհայտնելով:

Նա նշել է, որ «Ժառանգությունը» որոշել է առաջիկա ընտրություններին մասնակցել «Ելք» կամ Օհանյան-Օսկանյան դաշինքների հետ, քանի որ այս ընթացքում չի հասցրել «Ծառուկյան դաշինքի» հետ խորը բանակցություններ, քննարկումներ անցկացնել:

«Հանդիպումներ եղել են այս դաշինքի հետ, մենք հույս ունենք, որ հետագայում այս դաշինքի հետ համագործակցություն կլինի, չգիտեմ՝ ինչպես: Հնարավոր է, որ մինչեւ փետրվարի 16-ն այն լայն դաշինքը, որ մենք ի սկզբանե ասում էինք հրաշքով իրականություն դառնա։ Եթե՝ ոչ, խորհրդարանում, կարծում եմ, մենք կհամագործակցենք»,-ասել է նա:

Լուրեր Հայաստանից - https://news.am/arm/news/371480.html

Այս թեմայով Րաֆֆի Հովհաննիսյանի մուտքն Արցախ արգելվել է «Պատրաստ ենք պայքարել թե՛ փողոցում, թե՛ բանտերում» Շտապ հաղորդագրություն. Սադրանք «Օհանյան-Րաֆֆի-Օսկանյան» դաշինքի դեմ Ջրառատ գյուղում «Օհանյան–Րաֆֆի–Օսկանյան» դաշինքը Արմավիր քաղաքում է՝(Տեսանյութ, Լուսանկարներ) «Օհանյան-Րաֆֆի-Օսկանյան» դաշինքի անդամներն Ավանում (տեսանյութ)