Կորոնավիրուսային տարօրինակ եւ հարցեր առաջացնող վիճակագրություն

Ապրիլի 5-ի տվյալներով կորոնավիրուսով վարակվածների տասնյակը հետեւյալ տեսքն ունի: Ներկայացված է վարակվածների եւ մահացածների թիվը ըստ պաշտոնական վիճակագրության:

Մենք այս թվերի կողքին նշել ենք նաեւ, թե երկրի բնակչության քանի տակոսն է հիվանդ եւ հիվանդների որ տոկոսն է մահացել: 

ԱՄՆ                 332594   0,1%       9504    2.86% 
Իսպանիա        130759   0.28%   12418    9.50% 
Իտալիա           128948   0.21%   15887   12.32% 
Գերմանիա       100009   0.12%       575     0.57%     
Ֆրանսիա           89953   0.13%     7560     8.40% 
Չինաստան        81669   0.006%   3329    4.08% 
Իրան                  58226   0.07%      3603    6.19%     
Մեծ Բրիտանիա 47806   0.07%      4934   10.32%  
Թուրքիա            27069   0.03%        574     2.12% 
Շվեյցարիա         21100   0.25%        715     3.38%

Այսպիսով, այն երկիրը, որը աշխարհով մեկ տարածեց այս վիրուսը, որը ստացել է կորոնավիրուս անվանումը, վարակակիրների թվով աշխարհում ընդամենը չորրորդն է, այն դեպքում, երբ ունի ամենամեծ բնակչությունը: Սա պետք է հարցեր առաջացնի նրանց մոտ, ովքեր հավատում են կորոնավիրուսի գոյությանը:

Ավելին, Չինաստանում այս վիրուսը այդպես էլ չտարածվեց: Ուշադիր նայեք աղյուսակին: Չինաստանի բնակչության միայն 0.006 տոկոսն է վարակվել կորոնավիրուսով: 

Վարակակիրների բացարձակ թվով առաջատարը Միացյալ Նահանգներն է, բայց այստեղ հիվանդ է բնակչության ընդամենը 0.1 տոկոսը: Իսկ որտե՞ղ է, ըստ պաշտոնական տվյալների, առավել տարածված կորոնավիրուսը: Պարզվում է այդ երկրներն են Իսպանիան, Իտալիան եւ Շվեյցարիան:

Լրահոսերում անդադար կլսեք Իտալիայի մասին, մի փոքր Իսպանիայի, բայց Շվեյցարիայի մասին գրեթե չեն խոսում: Սա եւս տարօրինակ է, քանի որ դատելով պաշտոնական վիճակագրությունից կորոնավիրուսը Իսպանիայից հետո առավել շատ տարածված է հենց այս երկրում:

Իտալիայում կորոնավիրուսով հիվանդների ավելի քան 12 տոկոսը մահացել է, իսկ ահա Շվեյցարիայում այս ցուցանիշն ընդամենը 3.4 տոկոս է: Սա եւս տարօրինակ է, քանի որ Իտալիան առողջապահության մակարդակով, մեղմ ասած, աշխարհում վերջինը չէ եւ Շվեյցարիային այնքան էլ չի զիջում:

Տարօրինակ է Գերմանիայի վիճակագրությունը: Այստեղ հիվանդ է բնակչության 0.12 տոկոսը, իսկ որ ամենահետաքրքիրն է, մահացել է հիվանդների ընդամենը 0.57 տոկոսը: Ո՞վ կարող է պնդել, որ Գերմանիայում առողջապահական համակարգն ավելի լավն է շվեյցարականից կամ ֆրանսիականից: Գրեթե ոչ ոք, բայց չգիտես ինչու Իտալիայում հիվանդների մոտ մահացությունը շատ մեծ է, իսկ ահա Գերմանիայում՝ անահմեմատ քիչ: 

Կորոնավիրուսի վիճակագրությունը միայն հարցեր ու հարցեր է առաջացնում, որը մի օր ցնցակաթվածից եւ տնից դուրս եկած ժողովուրդը տալու են նրանց, ովքեր պարտավոր են պատասխանել այս եւ շատ ու շատ այլ հարցերի: Եւ ամենակարեւոր հարցը՝ այդ ի՞նչ հիվանդություն է, որի գոյությունը տեստով են որոշում, այն էլ առանց ստուգված, առանց փորձարկման երկար ճանապարհ անցած տեստերի:

Հիմա դեռ հարցերի ժամանակը չէ: Հիմա մնում են տանը, ու այդպես էլ չեն հասկանում, թե ինչու են մեկ ասում դիմակ կրեք, հետո, թե մի կրեք, հետո թե ուզում եք կրեք, ուզում եք՝ մի կրեք:

Հիմա Հայաստանի մասին: Հայաստանում կորոնավիրուսով հիվանդ է 822 մարդ: Սա բնակչության 0.04 տոկոսն է: Այս ցուցանիշով մենք մի փոքր գերազանցում ենք Թուրքիային, մի փոքր զիջում Մեծ Բրիտանիային, Իրանին եւ շատ անգամ զիջում ԱՄՆ-ին, Իսպանիային, Շվեյցարիային, Իտալիային:

Մահացել է հիվանդների 0.85 տոկոսը: Սա մոտ է Գերմանիայի ցուցանիշին: Պատկերացնո՞ւմ եք, մեր առողջապահական համակարգն ավելի լավն է ամերիկյանից, իսպանականից, իտալականից, ֆրանսիականից եւ բրիտանականից:

Ի դեպ, տարօրինակ է, բայց կորոնավիրուսով հիվանդները շատ են մահանում հատկապես Մեծ Բրիտանիայում: Այս երկրում տասը հիվանդից մեկը մահանում է: Այս ցուցանիշով Մեծ Բրիտանիան զիջում է միայն Իտալիային:

Ահա այսպիսի տարօրինակ եւ հարցեր առաջացնող վիճակագրություն:

Վարդան Մխիթարյան

Top-News.am