Արմեն Մարտիրոսյանն առաջարկություն է արել Զարուհի Փոստանջյանին

«Ժառանգություն» կուսակցությունը Զարուհի Փոստանջյանին առաջարկել է լինել ցուցակի առաջին հնգյակի կին թեկնածուն: Այս մասին այսօր՝ փետրվարի 4-ին, լրագրողների հետ զրույցում ասել է կուսակցության փոխնախագահ Արմեն Մարտիրոսյանը:

«Ընտրություններին դաշինքով կմասնակցենք, թե առանց դաշինիքի, կցանկանայինք, որ ցուցակում Զարուհի Փոստանջյանը լինի առաջին կին թեկնածուն, մենք ուրախ կլինենք, որ այն առաջարկը, որ կա Զարուհին ընդունի»,-ասաց նա:

Արմեն Մարտիրոսյանը նաեւ նշեց, որ իր եւ Զարուհի Փոստանջյանի միջեւ լարվածություն չկա:

«Որեւէ լարվածություն չկա, բայց տարակարծություն կա։ Ես ի սկզբանե դաշինքային հարաբերությունների կողմնակից եմ եղել, եւ, եթե այդ դաշինքային հարաբերությունները չստացվեն, նոր հնարավոր կլիներ, որ գնայինք առանձին մասնակցության։ Այնպես չէ, որ ես առանձին մասնակցությունը բացառել եմ»,-ասաց նա:

Հիշեցնենք, որ փետրվարի 3-ին տեղի է ունեցել «Ժառանգություն» կուսակցության ընդլայնված կազմով նիստը, որի ընթացքում որոշում է կայացվել խորհրդարանական ընտրություններին մասնակցել դաշինքով: Այս պահին կուսակցությունը բանակցություններ է վարում «Ելք» եւ Օսկանյան-Օհանյան դաշինքների հետ:

Լուրեր Հայաստանից - https://news.am/arm/news/371466.html

Այս թեմայով «Իմ նկատմամբ իրականացվում է քաղաքական հետապնդում»․ Զարուհի Փոստանջյանի դիմումը՝ բարձրաստիճան պաշտոնյաներին Զարուհի Փոստանջյանը պահանջում է քրգործ հարուցել իր իրավունքները եւ ազատությունները սահմանափակող ոստիկանների նկատմամբ Համաշխարհային ազգ ենք, մենք կարող ենք փոխվել, ադապտացվել, մենք նորարար ենք. Արմեն Սարգսյանի ելույթը Նուր-Սուլթանի տնտեսական ֆորումին Արմեն Ամիրյանին «կոտրեցին». նա ՀՀԿ-ական դարձավ