Հայ դատի գրասենյակը պետդեպին կոչ է արել Հայաստանին տրամադրվող 25 մլն–ի օգնությունն ուղղել համավարակի դեմ պայքարին

ՀՅԴ Վաշինգթոնի Հայ դատի գրասենյակը դիմել է ԱՄՆ-ի պետական դեպարտամենտի քարտուղար Մայք Պոմպեոյին, որպեսզի ԱՄՆ-ի կառավարությունը 25 մլն դոլարի օգնություն տրամադրի Հայաստանին կորոնավիրուսի հաղթահարման նպատակով: Այս մասին տեղեկանում ենք Հայ դատի հանձնախմբի կայքից։

Պետդեպին ուղղված նամակում Հայ դատի հանձնախմբի համակարգող Րաֆֆի Համբարյանը նաև իր երախտագիտությունն է հայտնել պետդեպին՝ ավելի վաղ Հայաստանին կորոնավիրուսի դեմ պայքարի շրջանակում 1,1 մլն դոլարի օգնություն տրամադրելու համար:

Րաֆֆի Համբարյանը կոչ է արել Կոնգրեսի կողմից Հայաստանին հատկացվող օգնության փաթեթից 25 մլն դոլարը վերահասցեավորել որպես COVID-19 պանդեմիայի դեմ պայքարի շրջանակում Հաայստանին հատկացվող օգնություն՝ որը կուղղվի անհրաժեշտ բժշկական սարքավորումների ձեռքբերմանը, տեխնիկական աջակցությանն ու ռիսկային ընտանիքներին աջակցությանը։