Երկու օր դիակներով բեռնում էին մեքենաներն ու տանում. Խաչատուրովը՝ ապրիլյան պատերազմի մասին
Կասկած չկա, որ մենք հաղթել ենք ապրիլյան պատերազմում։ Այս մասին «5-րդ ալիք»-ի գործադիր տնօրեն Հարություն Հարությունյանի՝ «Հաղթանակի ապրիլ» փաստավավերագրական ֆիլմում ասել է ՀՀ ԶՈՒ Գլխավոր շտաբի նախկին ղեկավար Յուրի Խաչատուրովը։
«Պատերազմը պատերազմ է։ Նրանք կարողացան որոշակիորեն անսպասելիության էֆեկտ ստեղծել, դա պետք է ընդունել։ Ասեմ, որ մեր զինվորականներն ու հրամանատարները տարել են փայլուն հաղթանակ, քանի որ այն, որ մենք ենք կորցրել, փառք բոլոր տղաներին, հերոսներին, բայց այն, ինչ հակառակորդն է կորցրել, կարծում եմ, որ նրանք դեռ մի քանի տարի դա չեն կարողանա հաղթահարել»,- ասել է Խաչատուրովը։
Խաչատուրովը վստահեցրեց, որ հայկական կողմը յուրաքանչյուր մահացած զինվորի վերաբերյալ հայտնել է անմիջապես։ «Մեզ մոտ որևէ մեկը չի թաքցրել, երբ մահացել է, միանգամից տվել ենք տեղեկատվությունը, բոլորն այդ մասին գիտեին։ Բոլորին հուղարկավորել ենք զինվորական պատվով»,- ասել է նա։
Խաչատուրովի խոսքով՝ հակառակորդը խնդիր էր դրել իրականացնել գործողություն՝ հայկական պաշտպանական շրջանները հասցնելով այնպիսի վիճակի, որ մարդիկ փախչեն, ինչի արդյունքում իրենք կգրավեին լուրջ տարածքներ, ադ թվում՝ Մատաղիսը, Թալիշը, Մարտակերտը, Ֆիզուլին, Ջաբրայիլը։
«Որոշ դիրքեր նրանք վերցրել էին, որոշները մենք հակագրոհներով կարողացանք հետ բերել՝ վերականգնելով առաջին գիծը։ Սակայն որոշ դիրքեր հարավում, որոշները՝ հյուսիսում մնացին իրենց վերահսկողության տակ։ Ամսի 3-ին մենք սկսեցինք պլանավորել, թե ինչպես ենք վերադարձնելու այդ դիրքերը»,- ասել է Խաչատուրովը։
Յուրի Խաչատուրովը նաև պատմել է, թե ինչպես են հրադադարից հետո ադրբեջանական ուժերը հետ տարել իրենց դիակները։ «Երեք հրամանատար է սպանված եղել, իսկ եթե հրամանատարը սպանված է, նշանակում է, որ այդ ստորաբաժանումներն այլևս գոյություն չունեն, հատուկ ջոկատայինների ստորաբաժանումների հրամանատարների դիակներ, որոնք մեր տարածքում էին մնացել, երբ հրադադարը հաստատվեց։ Նրանք երկու օր մեքենաներով դիակներն էին տանում հինգերորդ, վեցերորդ, իններորդ պաշտպանական շրջաններով, բեռնում էին մեքենաներն ու տանում, սրանք փաստեր են, որոնցից ոչ մի տեղ չես փախչի, նրանք կորցրել էին բանակի էլիտար հատվածը՝ ողջ հատուկ նշանակության ուժերը»,- ասել է նա։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո