Վրաստանում բնակիչների կոմունալ ծախսերի վճարման համար պետբյուջեից 150 միլիոն լարի կտրամադրվի
Վրաստանում քաղաքացիների կոմունալ ծախսերի վճարման համար պետբյուջեից 150 միլիոն լարի (շուրջ 46 միլիոն դոլար) գումար կտրամադրվի: Այս մասին տեղեկացնում է pia.ge կայքը` հղում անելով երկրի էներգետիկայի և ջրամատակարարման հարցերով հանձնաժողովի նախագահ Դավիդ Նարմանիային:
Նրա խոսքով՝ կառավարությունը վճարելու է 4 տեսակ կոմունալ ծախսերի համար. էլեկտրականություն, ջրամատակարարում, աղբահանություն և բնական գազ: Կվճարվեն բոլոր այն քաղաքացիների կոմունալ ծառայությունները, որոնք ամսական օգտագործում են 200 կՎտ-ից քիչ էլեկտրաէներգիա և 200 խմ-ից քիչ գազ:
Այն քաղաքացիների գումարները, որոնք կամավոր կերպով կհրաժարվեն պետության այս աջակցությունից, կուղղվեն երկրում այլ ոլորտների առաջընթացին: Իսկ այն քաղաքացիների գումարները, որոնք արդեն իսկ վճարել են մարտ ամսվա կոմունալների համար, կվերադարձվեն նրանց:
Վրաստանի վարչապետ Գիորգի Գախարիան հայտարարել է, որ կառավարությունն իր վրա է վերցնում գարնանային երեք ամիսներին երկրում 200 կՎտ-ից քիչ էլեկտրաէներգիա և 200 խմ-ից քիչ գազ սպառած բնակիչների կոմունալ ծախսերը: Գախարիան նշել է նաև, որ իրենք հասկանում են, որ ամեն ինչ պետք է անեն աշխատանքը կորցրած բոլոր քաղաքացիների համար, և խոստացել է այդ ուղղությամբ կրկին հատուկ քայլեր ձեռնարկել:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Հայ դպրոցականների հերթական հաջողությունը
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
77 գլխատված մարդկանց գաղտնիքը․ հնագետները վերանայել են հին Եվրոպայի ամենասարսափելի բացահայտումներից ...
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը