Հանուն Արցախի անվտանգության և արդարության. Վիտալի Բալասանյանը քվեարկեց
Արցախի Հանրապետության նախագահի թեկնածու Վիտալի Բալասանյանն այսօր՝ մարտի 31–ին Արվախի խորհրդարանի և նախագահի ընտրությանը գնացել էր ընտանիքի հետ եւ քվեարկել է հանուն Արցախի անվտանգության եւ արդարության։ Այս մասին քվեարկելուց հետո լրագրողների հետ զրույցում ասաց Վիտալի Բալասանյանը։
Հարցին՝ արդյոք վստահված անձանցից որեւէ բողոք լսե՞լ է ընտրությունների ընթացքի վերաբերյալ, Բալասանյանն ասաց, որ այս պահին որեւէ բողոք ինքը չի լսել. «Այս պահի դրությամբ՝ ոչ։ Մեր շտաբն աշխատում է, բոլոր տեղամասերում ունենք վստահված անձինք։ Գուցե շտաբն այս պահի դրությամբ արձանագրել է, դեռեւս ես տեղյակ չեմ»։
Անդրադառնալով քարոզարշավի ընթացքում իր կողմից բարձրաձայնած այն մտահոգություններին, որ ընտրակաշառք բաժանելու փորձեր են արվում, Բալասանյանը հաստատեց, որ եղել են այդպիսի դեպքեր.
«Եղել են այդպիսիք, բարեգործության նպատակներով։ Եղել են, ահազանգել ենք, դիմել ենք համապատասխան մարմիններին, Հանրապետության նախագահին ենք դիմել։ Հանրապետության նախագահից արձագանք չեմ տեսել, սակայն որքանով տեղյակ եմ, Հանրապետության նախագահը հրահանգներ է տվել պատկան մարմիններին, որ թույլ չտան շարունակել։ Մեզ մոտ ամեն ինչ արձանագրված է, երբ ժամանակը գա, մենք դա կբարձրաձայնենք»։
Անդրադառնալով իր այն հայտարարությանը, որ համավարակով պայմանավորված Արցախում եւս պետք է արտակարգ դրություն մտցվեր, եւ, որ ընտրությունները պետք է հետաձգվեին, Բալասանյանն ասաց, որ այդ մասին ահազանգել են դեռեւս մարտի 15-ին, երբ ՀՀ-ում արտակարգ դրություն մտցվեց։
«Քանի որ մենք գտնվում ենք մեկ տարածքում, չկան պետական սահմաններ, հսկողությունը չեն կարող անել այնպես, ինչպես ճանաչված պետությունները, այդ պատճառով յուրաքանչյուր քաղաքացու առողջությունն ինձ համար շատ կարեւոր է, քան այն, որ ես նախագահ ընտրվեմ։ Մեր ժողովուրդը միշտ ակտիվ ու պաշտպանված է եղել, եւ մեր Կառավարությունն էլ համապատասխան միջոցներ է ձեռնարկել ԿԸՀ-ի հետ համատեղ։ Տեսնում ենք, որ բոլորը ակտիվ են, բոլորն էլ ունեն մտահոգություն»։
Բալասանյանը պատմեց, որ իր քարոզարշավի 30 օրերի ընթացքում հանդիպումներ ունենալով արցախցիների հետ, հասկացել է, որ Արցախի ժողովրդի գլխավոր մտահոգությունը երկրի անվտանգության հարցն է։
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Չորս հայ գերրիներ են վերադարձել Հայաստան
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Իրանը չունի ԱՄՆ-ի և Իսրայելի հшրվածներից վնաuված միջnւկային օբյեկտները վերականգնելու ծրագրեր. Արաղչի
Լինդա Էուլջեքջյանը հայտնել է, որ ամուսնու ազատ արձակման մասին իմացել է նույն օրը
Ես ուրախ եմ տեսնել հայ գերիների ազատ արձակումը
«Իմացել ենք լուրը, շատ ուրախ ենք». Վագիֆ Խաչատրյանի դուստրը անհամբեր սպասում է գերությունից ազատ արձ...
Ի՞նչ է հայտնի այսօր Սիրիային հանձնված վարձկանների մասին
Որդու վերադարձի մասին Նիկոլ Փաշինյանի գրառումից են տեղեկացել
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր