Առաջարկում եմ «Քաղաքացու օրը» այս տարվա համար վերանվանել «Պարետի օր»
Այսպիսի գերվտանգավոր ու գերզգայուն իրավիճակներում սխալ ուղերձները բթացնում են քաղաքացիների զգոնությունը և նպաստում վիճակի է՛լ ավելի վատթարացմանը։
Նույնիսկ ավելորդ եմ համարում հիշատակել վարչապետ Փաշինյանի «ում շունն է»-ն ու «պինցետ-տնական օղին». դրանց «շնորհիվ» թուլացավ քաղաքացիների զգոնությունը մարտի առաջին կեսին, առիթ տվեց մատների արանքով նայել վտանգին՝ զրկելով մեր հանրությանը համաճարակի տարածումը իսկապես արդյունավետ նախականխելու հնարավորությունից։
Լավ, դա առայժմ անցանք։
Բա հիմա՞ ինչու եք սխալ ուղերձներ տալիս։ Օրինակ, ինչո՞ւ են իշխանության ներկայացուցիչները ու մասնավորապես պարետը անընդհատ պնդում, որ «Կառավարության ջանքերն արդյունավետ են»։ Սա նույնպես չհիմնավորված բթացնում է քաղաքացիների զգոնությունը՝ թուլացնելով ինքնամեկուսացումը հնարավորինս խստորեն պահելու մոտիվացիան։
Նույնն էր մարտի 22-ին, երբ վարակակիրների թիվը, պաշտոնական տվյալներով, ավելացավ ընդամենը 4-ով՝ թույլ տալով իշխանական քարոզիչներին նրբորեն ակնարկել, որ՝ «ըհը, հենա ոնց որ կառավարության հիանալի ջանքերի շնորհիվ վիճակը սկսում է կարգավորվել»։
«Կյանքը շարունակվում է» լոզունգի ներքո՝ ԱԺ քառօրյան հանգիստ անցկացնելն էլ՝ վրադիր։
Վե՛րջ տվեք ինքնագովազդը։ Ճի՛շտ ուղերձներ հղեք։ Բոլորս էլ տեսնում ենք ձեր ջանքերը, բայց դրանց «արդյունավետ» կամ «անարդյունավետ» գնահատական տալու ժամանակը հաստատ հիմա չէ։
Ասե՛ք, որ վիճակը է՛լ ավելի է վատանալու։ Ասե՛ք, որ դեռ երկար կռիվ ունենք վարակի դեմ։ Ասե՛ք, որ կարանտինը պետք է ևս մեկ շաբաթով երկարացնել։
Ճի՛շտը ասեք։
Հ․Գ․ Առաջարկում եմ, պարետի որոշմամբ, «Քաղաքացու օրը» այս տարվա համար վերանվանել «Պարետի օր»։ Այդ օրը Պրոսպեկտի վրա խորոված անելու բացառիկ իրավունք կունենան միայն պարետատան աշխատակիցները՝ համապատասխան ձևաթղթի առկայությամբ։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում