Այսպիսի արտակարգ դրություն դեռ չէր եղել

Հիմա ոմանք կամ շատերը նշում են, թե սա իրենց կյանքի երրորդ կամ չորրորդ արտակարգ դրությունն է: Ասում են, կիսվում հիշողություններով եւ անցնում առաջ, բայց գրեթե ոչ ոք չի շեշտում, որ այսպիսի արտակարգ դրություն դեռ երբեք չի եղել: Իսկապես, դեռ երբեք արտակարգ դրության ժամանակ չի տուժել շարքային քաղաքացին, չի տուժել գործատուն եւ աշխատավորը: Դեռ երբեք արտակարգ դրության ժամանակ չի պարտադրվել փակել հիմնարկ-ձեռնարկությունները, սրճարանները, ռեստորանները, արտադրամասերը, խանութները, դադարեցնել տրանսպորտի աշխատանքը:

Արտակարգ դրությունը եղել եւ անցել է, կյանքը մտել իր բնականոն հունի մեջ: Հիմա ժողովուրդը, ինչպես ասում են, դեռ տաք են, դեռ չեն պատկերացնում այն ծանր հետեւանքները, որ իր հետ բերել է արտւակարգ դրությունը:

Բիզնեսին ծանրագույն հարված է հասցվել: Շատ գործարարներ, հազիվ թե, կարողանան կարճ ժամանակում կամ ընդհանրապես վերականգնվել այս հարվածից: Տուժեցին շատերը, շահեցին քչերը: Ի դեպ, կառավարությունը դեռ հստակ չի ասել, թե ո՞վ է փոխհատուցելու կրած վնասի հմար, ո՞վ է վճարելու չաշխատողների աշխատավարձերը,  եւ այսպես շարունակ:

Եւ շատերի մոտ շատ տրամաբանական հարցեր են առաջանում: Եւ այսպես՝

Ենթադրենք գոյություն ունի այդ վիրուսը եւ դրա դեմ պայքարում եք: Այդ դեպքո՞ւմ ինչպես հասկացաք, որ, օրինակ, «Երեւան սիթի»-ներում վիրուսը չի տարածվում, իսկ ռեստորաններում կամ սրճարաններում տարածվում է:

Ո՞վ է թերթիկ լրացնելու գաղափարի հեղինակը: Այդ որոշմամբ ծաղրո՞ւմ եք ազգաբնակչությանը, թե ի՞նչ նպատակ եք հետապնդում: 21-րդ դարում, երբ մարդը ունի, թե անձնագիր, թե այդ դի, ի՞նչ թերթիկ եւ ի՞նչ խնդիր է այն լուծելու:

Փողոց դուրս բերված զրահամեքենայով կորոնավիրո՞ւսի վրա եք կրակելու, թե՞ ազգաբնակչության, թե պարզապես խուճապ եք տարածում:

Այդ ո՞վ որոշեց, որ տանը կարելի է գտնվել բոլոր ընտանիքի անդամներով, իսկ ահա ավտոմեքենայում՝ ոչ:

Հարցերը շատ են, առայժմ բավարարվենք այսքանով: Բայց գոնե կողմնորոշվեք դիմակ ով եւ երբ պետք է կրի, թե չէ ամեն օր մի քանի անգամ իրարամերժ հայտարարություններ եք անում:

Վարդան Մխիթարյան

Top-News.am