Հայաստանում ուղղաթիռը ճոխություն չէ, իսկ կորոնավիրուսն էլ վիրուս չէ
Արձակուրդում գտնվող վարչապետ Նիկոլ Փաշինյանը, այսպես կոչված, ԱՅՈ-ի քարոզչության շրջանակներում օգտվել է պետությանը պատկանող ուղղաթիռից, իսկ երբ լրագրողներն այդ մասին ակնարկել են, ասել է, թե ուղղաթիռը ճոխություն չէ:
Լավ է, որ Փաշինյանի կենսամակարդակը հասել է մի կետի, երբ իր համար ուղղաթիռը ճոխություն չէ: Այսուհանդերձ, հարցը վերաբերում է ոչ թե նրան, թե ուղղաթիռը ճոխություն է, թե՝ ոչ, այլ նրան, թե արձակուրդում գտնվող վարչապետը անձնական նպատակներով կարո՞ղ էր օգտվել տրանսպորտային այդ միջոցից, թե ՝ ոչ:
Ինչ վերաբերում է ճոխությանը, ապա նույնիսկ ԱՄՆ-ում կամ Ճապոնիայում, Գերմանիայում եւ Կանադայում շատ քչերն իրենց կարող են թույլ տալ ուղղաթիռ գնել կամ վարձակալել: Այնպես որ, ուղղաթիռը նաեւ ճոխություն է:
Հիմա հարցի մյուս կողմը: Իտալիայում դադարեցվում է ֆուտբոլի առաջնությունը, Ադրբեջանում չեղարկվում են Նովրուզին նվիրված տոնախմբությունները, իսկ Նիկոլ Փաշինյանը Իրանի անմիջական սահմանում մարդկանց իրար գլխի է հավաքում եւ քարոզչություն անում, հասկացնելով, որ հանրաքվեն չեղարկելու մտադրություն չունի: Իսկ Իրանում մեկ օր առաջ ընդամենը մի քանի ժամում կորոնավիրուսից մոտ հիսուն մարդ է մահացել:
Գուցե Փաշինյանը կորոնավիրուսից չի վախում «Կյանքի խոսքի», այսպես կոչված, հոգեւոր հովիվ Արթուր Սիմոնյանի քարոզչության ազդեցության տակ, որը զանգվածային հավաքները շարունակելու որոշումը հիմնավորում է մի պատմությամբ, որ իրենց «եկեղեցու» անդամները բուժվել են իրենց անդամներից մեկի արյունը միմյանց ներարկելով: Դե, բնականաբար, այդ անդամը մասնակցել էր հավաքներից մեկին:
Ոչ մի տարբերություն Արթուր Սիմոնյանի եւ Նիկոլ Փաշինյանի միջեւ: Նրանք հանուն իրենց շահերի, հանուն իրենց նպատակների մի կողմ են դնում մարդկանց անվտանգությունը, նրանց մոլորության մեջ գցում եւ օգտագործում նեղ անձնական կամ նեղ թիմային նպատակների իրականացման համար:
Ավելին, մեկը կորոնավիրուսի դեմ պայքարում է «թու-թու» ասելով, իսկ մյուսը առասպելական պատմություն պատմելով: Երկու դեպքում էլ նպատակը մեկնէ ՝ չկորցնել լսարանը կամ ընտրազանգվածը:
Հայաստանում ուղղաթիռը ճոխություն չէ, իսկ կորոնավիրուսն էլ՝ վիրուս չէ: Սա է մեր այսօրվա տխուր իրականությունը:
Վարդան Մխիթարյան
Top-News.am
Տարոն Մարգարյանը կգործուղվի Մոսկվա
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Գեղարքունիքի մարզի գյուղերից մեկում 2 անչափահաս ծեծի են ենթարկել 38-ամյա տղամարդուն և նրա տղային
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Օդի որակի ինդեքսի միջինացված արժեքները նոյեմբերին եղել են զգայուն խմբերի համար անառողջ միջակայքում
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
Բագրատ Սրբազանի խափանման միջոցը փոխելու միջնորդություն է ներկայացվել
Փաշիկ Ալավերդյան․ Սա ամենամեծ հարվածն է մեր պետությանը, հայկական ծանրամարտին
Վիեննայում կայացել է Արարատ Միրզոյանի հանդիպումը ԵԱՀԿ ԺՀՄԻԳ տնօրենի հետ (տեսանյութ)