«Խորհուրդս Փաշինյանի ճառագիրներին. ձեր «շեֆին» այսպես մի «քաշեք». Հայկ Մամիջանյան

Իհարկե այն փաստը, որ Նիկոլ Փաշինյանը խոսում է «հակակշիռների եւ փոխզսպումների» մասին նույնն է, որ Կիմ Չեն Ինը հանդես գա ժողովրդավարության քարոզով: Այս մասին Facebook-ի իր էջում գրել է ՀՀԿ երիտասարդական կառույցի ղեկավար Հայկ Մամիջայանը:

Նա, մասնավորապես, ընդգծել է. «Մարդը «միապետությանը հինգ պակաս» վիճակի է տանում երկիրը, բայց շարունակում է պտտել նույն «հեղափոխական դեմոկրատի» պլաստինկան։

Պարոն Փաշինյանը հպաաաաարտորեն հայտարարեց, որ «հայ-գերմանական հարաբերությունները գտնվում են երբեւէ ամենաբարձր մակարդակի վրա» ու խոսեց մի շարք ձեռքբերումներից.

1. ԹՈՒՄՈ կենտրոնի օրինակով կրթական կենտրոնների հիմնում Գերմանիայում – հիմնադրվել է 2011թ․

2. Գյոթեի անվան կենտրոնի բացում Երեւանում – բացվել է 2017թ․

3. Գերմանական Միջազգային համագործակցության ընկերակցության (GIZ) իրականացրած ծրագրեր – համագործակցում է Հայաստանի հետ 1990-ականներից, գրասենյակը Երևանում բացվել է 2002-ին։

4. Գերմանական վերակառուցման բանկի հետ համագործակցություն (KfW) – Հայաստանի հետ համագործակցում է 1992թ․-ից

5. տնտեսական ցուցանիշներ - աճել է միայն ներկրումը Գերմանիայից, իսկ արտահանումը մնացել է նույնը

6. Չխոսեց նաեւ ՀՀ եւ ԵՄ միջեւ ստորագրված CEPA-ից, որը նույնպես մեր թիմի ճկուն արտաքին քաղաքականության արդյունքն է

Էլ չեմ ասում, որ մեր իշխանության օրոք Բունդեսթագը ճանաչեց Հայոց Ցեղասպանությունը, եղավ Գերմանիայի Նախագահի պաշտոնական հայտարարություն եւ այլն։

Իրապես, պարոն Փաշինյան, Ձեր կառավարման ժամանակ հայ-գերմանական հարաբերությունները գտնվում են ամենաբարձր մակարդակի վրա։ Զարմանում եմ, որ Ձեզ չեք վերագրել ասենք այն փաստը, որ ՀՀԿ-ի եւ Գերմանիայում իշխող Քրիստոնես-դեմոկրատական կուսակցության սերտ համագործակցության փաստը։

Այցի օրակարգն էլ այնքան դատարկ էր, որ եթե անցած անգամ կարողացան գոնե մի կրթական համաձայնագիր ստորագրել՝ այս անգամ էտ էլ չկար։ Դա երեւում է նաեւ այն փաստից, որ ասուլիսը նշանակված էր հանդիպումից առաջ, այլ ոչ թե հետո։ Այլ կերպ ասած բանակցություններից առաջ եւ հետո ասելիքը նույնն էր լինելու։

ՀԳ

Վերջը չասեցիք՝ Վենետիկի հանձնաժողովի հիշատակումը Մերկելի ճառից ինչի էիք հանել։

ՀԳ2

Խորհուրդս Փաշինյանի ճառագիրներին. ձեր «շեֆին» այսպես մի «քաշեք»։ Բոլոր երկրների հետ «աննախադեպ» լավ հարաբերությունները սուտ թեզը հերքելու եմ երկիր առ երկիր»: