Իսկ ինչո՞ւ չի կարող ժողովուրդն անձամբ որեւէ հարց լուծել. Գոռ Հովհաննիսյան
Գերմանիայում աշխատանքային երկարամյա փորձ ունեցող իրավագիտության դոկտոր, ՍԴ դատավորի թեկնածու առաջադրված Գոռ Հովհաննիսյանը Facebook-ի իր էջում անդրադարձել է հարցին, թե արդյոք ժողովուրդն իրավունք ունի հանրաքվեով ցանկացած հարց լուծել:
Նա, մասնավորապես գրել է.
«ՀԵՏԱՔՐՔՐԱՇԱՐԺ ԻՐԱՎԱԳԻՏՈՒԹՅՈՒՆ
Կրկին գերմանական իրավունք
Հենց նոր ինքս ինձ հարցրեցի, թե արդյոք ժողովրդաիշխանությունը նշանակում է, որ ժողովուրդը հանրաքվեով ցանկացած հարց լուծելու իրավունք ունի։ Ու մտածեցի, թե որն է այդ հարցի պատասխանը գերմանական իրավունքում։
Եվ պատասխանն է՝ իհարկե ՈՉ։
Ու արի ու տես, որ «ոչ»-ը շատ մեղմ է ասված։ Գերմանիայում ժողովուրդը դաշնության մակարդակում հանրաքվեով ՈՉ ՄԻ ՀԱՐՑ լուծելու իրավունք չունի։ Հանրաքվեն դաշնության մակարդակով արգելված է։ Հա հա, ԱՐԳԵԼՎԱԾ Է։
Ժողովուրդը միայն ընտրությունների միջոցով որոշում է, թե ովքեր լինեն Բունդեսթագի պատգամավոր։ ՈՒ ՎԵՐՋ։ Ուրիշ ոչ մի հարց ժողովուրդը լուծել չի կարող։ Բոլոր հարցերը լուծում են ժողովրդի ներկայացուցիչները։ Հենց հարցեր լուծելու համար է ժողովուրդը նրանց լիազորություն տվել։
Իսկ ինչո՞ւ չի կարող ժողովուրդն անձամբ որեւէ հարց լուծել։ Շատ պարզ՝ Սահմանադրությունն արգելում է։ Ու կրկին արի ու տես, որ էդ խեղճ գերմանացի ժողովուրդը չի կարող փոխել անգամ այդ Սահմանադրությունը, որը նրան արգելում է հանրաքվեն։ Սահմանադրությունը նույնպես պիտի փոխեն նրա ներկայացուցիչները Բունդեսթագում եւ Բունդեսռաթում։ Քանի դեռ չեն փոխել ու հանրաքվեն չեն թույլատրել, ժողովուրդը ոչինչ անել չի կարող։
Գերմանական սահմանադրական իրավունքից էս ամենը հիշելուց հետո հիմա շվարած մտածում եմ, թե Գերմանիան ժողովրդավարական պետություն է, թե չէ»:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Մի շարք հասցեներում լույս չի լինի
Գարեգին Երկրորդի եղբոր կալանքը 2 ամսով երկարաձգվեց
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Փետրվարի 3-ի գիշերը և առավոտյան սպասվում է մառախուղ
Ոսկու արժեքը հունվարի 19-ից ի վեր առաջին անգամ իջել է 4․700 դոլարից