«Չեմ ուզում խոսել, դա ինձ չի վերաբերում». Աղասի Ենոքյանն ուղիղ եթերում զանգահարեց Արա Շիրինյանին
Հանրային հեռուստատեսության «Լուրեր» բաժնում թողարկված աղմկահարույց ռեպորտաժի մասին ֆեյսբուքյան լայվով այսօր՝ հունվարի 30-ին, խոսեց նաեւ «Մեդիա պաշտպան» նախաձեռնության ղեկավար Աղասի Ենոքյանը։
«Հանրային հեռուստատեսությունը մի խայտառակ ռեպորտաժ պատրաստեց Հրայր Թովմասյանի վերաբերյալ։ Դատական գործը չավարտված, սկսեցին խայտառակ մեղադրանքներ հնչեցնել հեռուստատեսությամբ՝ պատասխանի իրավունք չտալով, երկկողմանի մոտեցումներ չցուցաբերելով»։
Աղասի Ենոքյանը զանգահարեց Հանրային հեռուստառադիոխորհրդի նախագահ Արա Շիրինյանի հետ՝ մեկնաբանություն ստանալու համար. «Կուզեի այս ուղիղ եթերով կապ հաստատել հեռուստատեսության պատասխանատուներից որեւէ մեկի հետ, որոշեցի ամենահարմարը կլինի կապ հաստատել Հանրային հեռուստառադիոխորհրդի նախագահ Արա Շիրինյանի հետ, որովհետեւ Պետրոս Ղազարյանին բազմիցս ասվել է, բայց էական փոփոխություն չենք նկատում»։
Արա Շիրինյանն էլ ասաց, որ չի ցանկանում այդ թեմայի մասին խոսել. «Ես չեմ ուզում այդ թեմայից խոսել, որովհետեւ դա ինձ չի վերաբերում»։
Ենոքյանն էլ ասաց, որ այս թեման չի փակվելու. «Պատասխանատուներն ասում են, որ իրենք չեն պատասխանատուները, բայց հիշեցնեմ, որ չի կարելի սա թողնել փակված»։
Նշենք, որ ՍԴ նախագահ Հրայր Թովմասյանի փաստաբանական խումբը գրեթե կեսգիշերին շտապ հայտարարություն է տարածել, որում երկրի գլխավոր հեռուստաալիքին մեղադրել է քննության նյութերի տարածման եւ դրանց միտումնավոր լուսաբանման, ինչպես նաեւ անմեղության կանխավարկածի կոպիտ խախտման մեջ: «Մեդիա պաշտպան» նախաձեռնությունը, դատապարտելով հարկատուների միջոցների հաշվին գոյություն ունեցող, ըստ էության, պետական հեռտուստաալիքի միակողմանի քարոզչական լրատվական քաղաքականությունը, Հեռուստատեսության եւ ռադիոյի ազգային հանձնաժողովից պահանջել է «անհապաղ կանխել նրա անտանելի տեղեկատվական քաղաքականությունը»: «Մեդիա պաշտպանը» դիմել է նաեւ հեղինակավոր միջազգային կազմակերպությունների:
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)