«Նա նույն Փաշինյանն է երիտասարդ տարիքում, ով իշխանության գալու համար պատրաստ է ցանկացած ստորության». Ղազինյան
Երեւանի ավագանու «Իմ քայլը» խմբակցության եւ «Քաղաքացիական պայմանագիր» կուսակցության անդամի կատարած արարքի համար քաղաքական պատասխանատվություն է կրում «Քաղաքացիական պայմանագիր» կուսակցությունն ու անձամբ Նիկոլ Փաշինյանը: Այս մասին Facebook-ի իր էջում գրել է «Մեկ Հայաստան» կուսակցության ղեկավար Արթուր Ղազինյանը՝ անդրադառնալով անդրադառնալով իրենց խմբակցության անդամ Հենրիկ Հարթենյանի ֆեյսբուքյան գրառմանը:
Նա, մասնավորապես, նշել է.
«Այս երիտասարդը, իր բնույթով, տեսակով, էությամբ ու ստռուկտուռայով մարմնավորում է այսօրվա իշխանությունը, եւ արտացոլում է նրա արժեքային, գաղափարական եւ հոգեվիճակային նկարագիրը։
Նա նույն Նիկոլ Փաշինյանն է երիտասարդ տարիքում, ով իշխանության գալու համար պատրաստ է ցանկացած ստորության, անբարոյականության, ստի եւ կեղծիքի (վառ օրինակ հերոս Ռոբերտ Աբաջյանի հիշատակի անարգումը Հանրապետության հրապարակում)։
Նրանց համար բարոյականության նշաձող ու սահման չկա, ընտանիք ու սրբություն չկա, կտրորեն ու կանցնեն նրանց վրայով առանց աչք թարթելու։
Ավելի քան համոզված եմ, սույն թշվառը չէր ենթարկվի ոչ մի պատասխանատվության եւ կողջունվեր ու կխրախուսվեր բարձրագույն իշխանության կողմից, եթե չլիներ մեր հասարակության առողջ եւ գիտակից հատվածի կոշտ եւ միարժեք գնահատականը։ Չեմ բացառում նաեւ, որ նա ունեցել է հանձնարարություն դա անելու՝ հանրության ուշադրությունը իշխանության կոլափսից շեղելու համար։
Հ.Գ. Իշխանության մեջ գտնվող հատուկենտ նորմալ ու արժանապատիվ մարդիկ լուրջ մտահոգվելու եւ խորհելու պատճառ ունեն. մնան իշխանության հետ եւ կործանվեն, թե հրապարակավ հայտնեն իրենց անհամաձայնությունը եւ լքեն խորտակվող իշխանական նավը»:
Ավելի վաղ NEWS.am-ը հայտնել էր, որ «Իմ քայլը» խմբակցության անդամ Հենրիկ Հարթենյանը իր ֆեյսբուքյան էջում տեղադրել է Հրայր Թովմասյանի դստեր նկարը եւ գրել է. «Հ. Թովմասյանի աղջկա ֆբնա, ձեզ տեսնեմ ժողովուրդ ջան»:
Սա քննադատությունների առարկա էր դարձել սոցիալական ցանցերում: Ավելի ուշ գրառում կատարող ավագանու անդամը ջնջել էր իր ֆեյսբուքյան էջը:
Նշենք, որ դրանից հետո Երեւանի ավագանու «Իմ քայլը» խմբակցությունը հայտարարություն է տարածել, որ այսօր հրատապ նիստ է գումարում, որից հետո հանդես կգա հայտարարությամբ:
Խստորեն դատապարտում ենք ատելության խոսքի ցանկացած դրսևորում:
Հայցում ենք ձեր ներողամտությունը կատարվածի առթիվ:
Վաղը Իմ Քայլը խմբակցությունը կգումարի հրատապ նիստ,որից հետո հանդես կգանք հայտարարությամբ»,- ասվում է հայտարարությունում։
Դաշտ են դուրս գալիս ձեւիստները
Հայաստանի քաղաքացիները հայտնվել են ռուսական անձնագիր ստացողների թոփ-5-ում
Ում դրոշը պետք է երեւա սահմանի այն կողմում
Քաղաքապետարանի ավտոբուսների մասնակցությամբ ամեն 2-րդ վթարի մեղավորը ավտոբուսի վարորդներն են
Երևան-Մոսկվա չվերթի ինքնաթիռում ոչ ադեկվատ վիճակում գտնվող ուղևորը ձերբակալվել է
61 միլիոն եվրո․ Մբապեն դատարանում հաղթել է ՊՍԺ–ին
Քիմ Քարդաշյանին ծաղրել են SKIMS-ի գովազդում չափից դուրս նիհար Սանտա Կլաուսի պատճառով
ՍԱՏՄ-ն անհայտ ծագման միս է առգրավել ու ուղարկել ոչնչացման (տեսանյութ)
Լուկաշենկոն խոսել է նախագահի պաշտոնից հեռանալու մասին
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...