Անմարդկային երկուստեք ատելությունը և պրոպագանդան այլևս դարձել են անտանելի և չափազանց վտանգավոր
«Մեկ Հայաստան» կուսակցության համահիմնադիր, քաղաքագետ Վլադիմիր Մարտիրոսյանը ֆեյսբուքյան իր էջում գրում է. ««CONCIGLIERI » շարք:
Մի բան է լեգիտիմություն ունենալը և մեկ այլ բան է այդ լեգիտիմության հանրային աջակցության խաբկանք ստեղծելը: Պատահական չէ, որ ներկայիս կառավարության բնութագրիչ որակումների մեջ ամենահաճախ հանդիպող երևույթը հենց «ֆեյքակրատիան» է: Առավել ևս, որ ժամանակի ընթացքում առավել բացահայտ են դառնում հենց այդ «թվացյալ աջակցության» ստեղծման կենտրոնների, այսպես կոչված, «ՊՈԱԿ-ային» բնույթը: Դա ենթադրում է, որ այս քաղաքականությունը, ինչպես խրախուսվում է բարձրագույն իշխանության կողմից, այնպես էլ ունի շոշափելի պետական ֆինանսավորում:
Վերջին երկու տարվա «սև-սպիտակիզմի», ինչպես նաև խրախուսվող և թանկարժեք «ֆեյքակրատիայի» իրական համազգային և ժողովրդական աղետ հանդիսանալու վտանգն իշխանությունները շարունակաբար չեն տեսնում: Չնայած վստահ եմ, որ չեն էլ տեսնելու, բայց այնուամենայնիվ ևս մեկ անգամ ցանկանում եմ հորդորել Թիվ Մեկ քաղաքական պատասխանատու՝ վարչապետին:
Վերջ տվեք այս դեստրուկտիվ, այլասերող ֆեյքակրատիային: Դուք նախ և առաջ հաղթել եք, բայց երբեք էլ չեք հաղթելու վիրտուալ իրականությունում: Դեռ ավելին արդեն իսկ նշմարելի են այդ պարտության կանխանշանները, որոնք խորտակում են քիչ թե շատ արժեքավոր ամենը: Սակայն դուք՝ դեռևս կարող եք և պետք է վերջ տաք ազդեցության և լոբբիստական թմրադեղի այս համակարգվող գործունեությանը: Այն մեծագույն վնասը, որը այս «ֆեյքակրատիան» է հասցնում մեր սոցիումին, տեսակին, ընկալումներին և քաղաքական մշակույթին, այլևս կարող է անվերականգնելի լինել:
Ասում եմ շատ ուղիղ, բոլորը խոսում են և տեսնում են Ձեզ անբնական աջակցող և անմարդկային անտոգոնիզմ սերմանող «ֆեյքերի» և դրանք կառավարող «ֆեյքֆաբրիկաների» մասին: Սրան պետք է վերջ տալ, որքան էլ դա Ձեր համար անցանկալի լինի՝ քաղաքական շահի և ժամանակակից քաղտեխնոլոգիաների ազդեցության առումով, կամ էլ չբխի Ձեր շահերից: Այս անհանդուրժողականության, չարության, մաղձի և հոգեբանական բռնության լաբորատորիաներին պետք է վերջ տալ: Անմարդկային երկուստեք ատելությունը և պրոպագանդան այլևս դարձել են անտանելի և չափազանց վտանգավոր: Շատ կարճ ժամանակ անց այս բաց թողնված «Ջինը» այլևս անկառավարելի է դառնալու և մաղձի էֆֆեկտը ուղղվելու է հենց Ձեր դեմ և դառնա պայքարի անընդունելի ձեռագիր և ոճ: Այս ամենի վերջը պետք է տաք հենց Դուք»։
Աշխարհի ամենահայտնի Խորհրդարանական ծեծկռտուքները (ֆոտոշարք)
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում